ఇంట్లో కంటే అక్కడ శృంగారం మరింత జోష్!

శృంగారం అనేది జీవితంలో ఓ భాగం మాత్రమే అయినప్పటికీ.. అది మనిషి జీవన విధానాన్ని కూడా ప్రభావితం చేస్తుంది. ఫిజికల్‌గా, మెంటల్‌గా మనిషిపై సెక్స్ ప్రభావం ఉంటుంది. పెళ్లయిన కొత్తలో ఫర్వలేదుగానీ తర్వాత అది కాస్తా.. రొటీన్‌ వ్యవహారంగా మారుతుంది. అప్పుడు శృంగారాన్ని పూర్తి స్థాయిలో ఆస్వాదించడం అనుకున్నంత తేలిక కాదు. అలాంటప్పుడు రెగ్యులర్ తరహాలో కాకుండా కాస్త విభిన్నంగా ఆలోచించాలట. ఇంట్లో లైంగిక చర్యలో పాల్గొనడం కంటే.. కొద్ది రోజులు ఎటైనా బయటకు వెళ్తే ప్రయోజనం ఉంటుందట.

హోటల్‌లో సెక్స్ చేయడం అనేది ఇంట్లో కంటే ఎక్కువ ఆనందాన్ని ఇస్తుందట. ఇది మేం చెబుతున్నది కాదు... వండుకోవడం, తినడం, ఇల్లు శుభ్రం చేసుకోవడం లాంటి పనులేవీ పెట్టుకోకుండా.. హోటళ్లో శారీరకంగా కలిస్తే శృంగారాన్ని మరింతగా ఆస్వాదించే వీలుందని పరిశోధకులు చెబుతున్నారు.

వెకేషన్లో బయటకు వెళ్లడం వల్ల కొత్త అంశాల పట్ల ఆసక్తి చూపుతారని, అది లైంగిక సంతృప్తిని, వాంఛలను పెంచడానికి దోహదం చేస్తుందని తెలిపారు. కేవలం పడక గదిలో కొత్తదనానికి మాత్రమే పరిమితం కాకుండా వెరైటీ ఫుడ్ రుచి చూడటం, పార్టనర్‌తో కలిసి కొత్త ప్రదేశాలకు వెళ్లడం వల్ల.. కలయిక సమయంలో మరింత ఉత్సాహంగా, థ్రిల్లింగ్‌గా ఉంటుందిట. ఇలా చేయడం వల్ల ఇద్దరి మధ్య బంధం మరింతగా బలపడి ఒకరికొకరు మరింత దగ్గరయ్యే అవకాశాలు ఉన్నాయట.