అసురక్షిత శృంగారం మహిళల్లోనే ఎక్కువ!

శృంగారం అనేది యుక్త వయస్కుల్లో సాధారణం. మన దగ్గర సంగతి పక్కనబెడితే పాశ్చాత్య దేశాల్లో టీనేజీలోనే శారీరకంగా కలవడం అనేది కామన్. ఓ అధ్యయనంలో తేలిన ఆశ్చర్యకరమైన విషయం ఏంటంటే.. అమెరికాలో సగం మంది జనాలు అసురక్షిత శృంగారంలో పాల్గొంటున్నారట. నమ్మశక్యంగా లేకున్నా ఇది నిజం. 65 శాతం మంది అమెరికన్లు కండోమ్‌లు వాడకుండా కామకేళిలో పాల్గొంటున్నారని ఓ అధ్యయనం వెలువరించింది.

అవాంఛిత గర్భం రాకూడదని, లైంగికంగా ఎలాంటి వ్యాధులు సంక్రమించొద్దని దాదాపుగా అందరూ కోరుకుంటున్నప్పటికీ.. రక్షిత శృంగారం జోలికి మాత్రం వారు పోకపోవడం ఆశ్చర్యకరం.


మగాళ్లతో పోలిస్తే ఆడవాళ్లు ఎక్కువగా అసురక్షిత శృంగారంలో పాల్గొంటున్నట్లు తేలింది. అమెరికాతోపాటు యూరప్ దేశాల్లోని మగువల్లో ఇది ఎక్కువట. అమెరికాకు చెందిన వారిలో 36 శాతం మంది, యూరప్‌లో 20 శాతం మంది మగువలు అసురక్షిత శృంగారంలో పాల్గొంటుండగా.. ఆ దేశాల్లోని అబ్బాయిలు మాత్రం కాస్త జాగ్రత్తగానే ఉంటున్నారట.