పుణెపై ఫీల్డింగ్ ఎంచుకున్న ముంబయి

ఐపీఎల్ పదో సీజన్‌లో భాగంగా వాంఖడేలో రైజింగ్ పుణె సూపర్ జెయింట్‌‌తో జరుగుతున్న తొలి క్వాలిఫయర్ మ్యాచ్‌లో టాస్ గెలిచిన ముంబయి ఇండియన్స్ కెప్టెన్ రోహిత్ శర్మ ఫీల్డింగ్ ఎంచుకున్నాడు. టోర్నీలో ఇప్పటి వరకు 14 మ్యాచ్‌లాడిన ముంబయి ఇండియన్స్ పదింట్లో గెలుపొంది సూపర్ ఫామ్‌లో ఉంది. మరోవైపు 9 మ్యాచ్‌ల్లో విజయం సాధించిన పుణె తొలిసారి నాకౌట్ దశకు చేరింది. రెండు జట్లు లీగ్ చివరి మ్యాచ్‌ని గెలుపుతో ముగించి ఉత్సాహంతో ఉన్నాయి. తాజా సీజన్‌లో రెండు సార్లు ఈ జట్లు తలపడగా.. రెండింట్లోనూ పుణెదే పైచేయిగా నిలిచింది. కానీ.. ఆ జట్టు నుంచి ఆల్‌రౌండర్ బెన్‌స్టోక్స్, స్పిన్నర్ తాహిర్ వెళ్లిపోవడం ఇప్పుడు ముంబయికి కలిసొచ్చే అంశం. ఈ మ్యాచ్‌లో గెలిచిన జట్టు నేరుగా ఫైనల్‌కి చేరనుండగా.. ఓడిన జట్టు రెండో క్వాలిఫయర్ మ్యాచ్‌లో తలపడుతుంది.

ముంబయి జట్టు
పార్థీవ్ పటేల్, సిమన్స్, రోహిత్ శర్మ, అంబటి రాయుడు, క్రునాల్ పాండ్య, కీరన్ పొలార్డ్, హార్దిక్ పాండ్య, కర్ణ్ శర్మ, మెక్లనగాన్, లసిత్ మలింగ, జస్‌ప్రీత్ బుమ్రా

పుణె జట్టు
అజింక్య రహానె, రాహుల్ త్రిపాఠి, స్టీవ్‌స్మిత్, మనోజ్ తివారి, ధోని, క్రిస్ట్రియాన్, వాషింగ్టన్ సుందర్, ఫర్గూసన్, శర్ధూల్ ఠాకూర్, జయదేవ్ ఉనద్కత్, ఆడమ్ జంపా