పుణె జట్టులో హీరో ధోనీ.. మరి విలన్..?

ఐపీఎల్ పదో సీజన్‌లో మ్యాచ్‌ల మధ్య విరామాన్ని క్రికెటర్లు బాగా ఎంజాయ్ చేస్తున్నారు. దేశం తరఫున ఆడుతూ ఒకరిపై ఒకరు వ్యూహాలు రూపొందించుకున్న ఆటగాళ్లు.. ఇప్పుడు ఐపీఎల్ పుణ్యమా అని ఒకే డ్రెస్సింగ్ రూమును పంచుకుంటున్నారు. ఈ సమయంలో వారు చేసే హంగామా అంతా ఇంతా కాదు.. తాజాగా రైజింగ్ పుణె సూపర్ జెయింట్ క్రికెటర్లని ఉద్దేశిస్తూ ఆ జట్టు మాజీ కెప్టెన్ ధోని, రహానె, బెన్‌స్టోక్స్‌‌లను అడిగిన ప్రశ్నలకి వారు చమత్కారంగా సమాధానమిచ్చి ఆకట్టుకున్నారు.

Who would #msdhoni trust with a secret #RPSvSRH #ipl #IPL2017 #RPS #RPSvsSRH @msdhoni pic.twitter.com/v18YSS7hYU — Gulf Oil India (@GulfOilIndia) April 22, 2017
ఐపీఎల్ వేలంలో రూ. 14.5 కోట్లకి కొనుగోలు చేసిన బెన్‌స్టోక్స్‌కి ఇక్కడ ఓ చిక్కు ప్రశ్న ఎదురైంది. సూపర్ జెయింట్ జట్టులో ఎవరికి బాలీవుడ్ హీరో పోలికలు ఉన్నాయి..? ఎవరికి విలన్ పోలికలున్నాయి.. ? అనే ప్రశ్నకి తొలుత ఈ ఆల్‌రౌండర్ తడబడ్డాడు. అయితే చివరి‌కి ధోనీని హీరోగా ఎంపిక చేసిన స్టోక్స్.. తటపటాయిస్తూనే కెప్టెన్ స్టీవ్‌స్మిత్‌ని విలన్‌గా ఎంపిక చేసి అందర్నీ నవ్వించాడు. ప్రస్తుతం ఈ వీడియో నెట్‌లో హల్‌చల్ చేస్తోంది. జట్టులో అమ్మాయిల క్రేజ్ ధోనీకే ఎక్కువ ఉందని స్టోక్స్, రహానె చెప్పగా.. ధోనీ మాత్రం డుప్లెసిస్‌ని ఎంపిక చేయడం విశేషం.