1967లో ఉస్మానియా యూనివర్సిటీలో విద్యార్థి ఉద్యామాలకు బీజం వేసిన జార్జి రెడ్డి కథతో సినిమా తీశారు. ఉస్మానియా యూనివర్సిటీలో చదువుతూ ఎన్నో విద్యార్థి ఉద్యమాల్లో తిరుగులేని నాయకుడిగా ఎదిగిన జార్జి రెడ్డిని.. చిన్న వయసులోనే కొందరు ప్రత్యర్థులు క్యాంపస్ లోనే హత్య చేశారు. నేటి తరంలో చాలా మందికి తెలియని ఈ కథ వెండితెరపై ఆవిష్కృతం కాబోతోంది. 'జార్జి రెడ్డి' పేరుతో తెరకెక్కిన ఈ సినిమాకు దళం ఫేం జీవన్ రెడ్డి దర్శకుడు. 'వంగవీటి' ఫేం సందీప్ హీరో. ఈ చిత్రం నవంబర్ 22న రిలీజ్ అవుతోంది. ప్రమోషన్స్లో భాగంగా చిత్ర బృందం పంజాగుట్టలోని నెక్ట్స్ గలేరియా మాల్లో సందడి చేసింది.