Dasara Images 2019 విజయదశమి... బంధు మిత్రులకు ఈ కోట్స్‌తో శుభాకాంక్షలు చెప్పండిలా

దుర్గాదేవి తొమ్మిది రాత్రులపాటు రాక్షసులను వెంటాడి, సంహరించింది. చివరికి పదో రోజున రాక్షసులపై విజయం సాధించింది. దానికి గుర్తుగా దసరా, విజయదశమిని జరుపుకుంటున్నాం. మనలోని దుర్గుణాలే రాక్షసులు, మన లోని దైవాంశే ఆ మహాశక్తి. ఆ శక్తిని గుర్తించి, ఆరాధించి తద్వారా మనలోని దుర్గుణాలను తొలగించమని వేడుకోవడమే దుర్గా నవరాత్రుల పూజలోని అంతరార్థం.

Read Also: Dussehra Pooja విజయాలను ప్రసాదించే విజయదశమి పూజా సమయం, శుభముహూర్తం
లోకపాలకులైన అష్ట దిక్పాలకులను పాలి౦చేవారు త్రిమూర్తులు. ఆ త్రిమూర్తులను పాలి౦చే దేవత రాజరాజేశ్వరి. రాజు అనగా ప్రకాశిస్తూ ఆన౦ది౦పజేయువాడు అని అర్ధం. లోకాలన్నిటికీ వెలుగునిచ్చే సూర్యునికి కూడా వెలుగునిచ్చే స్వయ౦ ప్రకాశ స్వరూపిణి అమ్మ. ఆన౦దానికి మూలమైన సర్వలోక పాలకురాలు ఈమె.
ఆశ్వయుజ శుక్లపక్ష పాడ్యమి మొదలు నవమి వరకు తొమ్మిది రాత్రులు ఆదిశక్తి సమగ్ర సుందర స్వరూపం. శక్తి, ఆనందం, చైతన్యం మూర్తిభవించిన పార్వతీ మాతను విద్య, ఆరోగ్యం, ఆయుష్షు, విజయం, శుభ ఫలితాలను ప్రసాదించమని ప్రార్థించే రాత్రులే నవరాత్రులు. తొమ్మిది రోజుల నవరాత్రి పూజతో పునీతుడై జీవుడు దశమి తిథి పూజతో విద్యాశక్తి అనుగ్రహాన్ని పొందుతాడని పురాణాలు వచిస్తున్నాయి. అదే విజయదశమి పూజ. విజయాలకు కారకమైన దశమి విజయదశమి. విజయుడు (అర్జునుడు) విరాటరాజు కొలువులో ఉండి కౌరవ సేనలను ఓడించి అజ్ఞాతవాసాన్ని పూర్తి చేసిన రోజు కాబట్టి విజయ దశమి అయ్యింది.

Read Also: Dussehra Pooja విజయదశమి పూజా విధానం.. నియమాలు
పది అంటే దశ రాత్రుల పండుగ .. అదే దశరా... దసరా అయ్యింది. పది తలల రావణాసురుడిపై రాముడు విజయం సాధించిన రోజని అందుకే దస్ హరా.. అని కొందరు అంటారు. ఏదేమైనా చెడుపై మంచి విజయం సాధించిన రోజు. ఈ కోట్స్‌తో మిత్రులకు, బంధువులకు శుభాకాంక్షలు తెలియజేయండి.

అసత్యంపై సత్యం సాధించిన విజయం..
అధర్మంపై ధర్మ సాధించిన విజయం...
అధైర్యంపై ధైర్యం సాధించిన విజయం..
అందుకే మనకు ఇది ముఖ్యమైన రోజు...
మీకు, మీ కుటుంబ సభ్యులకు దసరా శుభాకాంక్షలు..

Read Also: విజయదశమి రోజున ఏ పని ప్రారంభించినా విజయమే!
‘విరాటనగరం రమ్యం గచ్ఛమానో యుధిష్ఠిరః
అస్తువన్మనసా దేవీం దుర్గాం త్రిభువనేశ్వరీమ్
యశోదాగర్భసంభూతాం నారాయణవరప్రియాం
నందగోపకులేజాతాం మంగళాం కులవర్ధనీమ్
కంస విద్రావణకరీం అసురాణాం క్షయంకరీం
శిలాతట వినిక్షిప్తాం ఆకాశం ప్రతిగామినీమ్’
మీకు, మీ కుటుంబ సభ్యులకు దసరా శుభాకాంక్షలు..

‘ఆశ్వనశ్యసితే పక్షే దశమ్యాంతరకోదాయే
సకాలో విజయోనామ సర్వకామార్ధ సాధకః’
మన కోర్కెలని తీర్చి అన్ని పనుల్లో విజయాన్ని ప్రసాదించే రోజు శుభం జరగాలని కోరుకుంటూ.. దసరా శుభాకాంక్షలు.
Read Also: సింహవాహినిగా అవతరించి మహిషాసురుని వధించిన మహామాయ
‘దశమ్యాంతునరైస్సమ్యక్పుజానీయపరాజితా
క్షేమార్ధం విజయార్ధంచకాలే విజయనామకే’..
ఈ విజయదశమి రోజు విజయకాలంలో అంటే సాయంకాలంలో మీ కుటుంబానికి క్షేమం కలగాలని కోరుకుంటూ దసరా శుభాకాంక్షలు..
‘దుర్లభం సర్వజంతునామ్ దేవిపూజా ఫలాధికా
దుర్గా ,లక్ష్మీ మహాదెవ్యహ: పూజనీయ: ప్రయత్నత:
ఆశ్వయుజాస్మీ సమ్ప్రాప్త్యె ప్రతిపచ్చుభవాసరే
తధారభ్య ప్రయత్నెన నవరాత్రి పూజయెత్’ విజయదశమి శుభాకాంక్షలు