శుభ ముహుర్తం..
పండితుల అభిప్రాయం మేరకు.. దసరా తేదీని అబుజ ముహుర్తంగా పరిగణిస్తారు. ఈ లెక్కన ఈ పవిత్రమైన రోజున ఎలాంటి ముహుర్తం చూడకుండా ఎలాంటి శుభకార్యాలైనా చేసుకోవచ్చు. ఈరోజున ఎలాంటి కొత్త పని ప్రారంభించినా, వ్యాపారం ప్రారంభించినా కచ్చితంగా విజయం లభిస్తుందని చాలా మంది నమ్ముతారు. కాబట్టి ఈ రోజున మంచి పనులు చేయడం ఎల్లప్పుడూ శుభప్రదంగా పరిగణించబడుతుంది. ఇదేరోజున ఎన్నో శుభ యోగాలు ఏర్పడనున్నాయి. రవి, సుకర్మ, ధ్రుతి అనే యోగాలు కూడా ఏర్పడనున్నాయి.
దసరా ప్రాముఖ్యత..
దసరా పండుగ అసత్యంపై సత్యం సాధించిన విజయంగా పరిగణిస్తారు. అందుకే ఈరోజున దుర్గా పూజ, రామ పూజ, శమీ పూజను చేస్తారు. ఈ పవిత్రమైన రోజున దుర్గా మాత విగ్రహానికి ప్రత్యేక పూజలు చేస్తారు. ఈరోజు చండీ పథం లేదా దుర్గా సప్తశతి, హవన పఠనానికి ప్రత్యేక ప్రాముఖ్యత ఉంది.
పూజా విధానం...
సాధారణంగా హిందూ మతంలో పండుగలన్నీ ఉదయం వేళలో జరుపుకుంటారు. అయితే దసరా పండుగ రోజున మధ్యాహ్నం వేళలో పూజలు చేయడం శుభప్రదంగా పరిగణిస్తారు. ఈరోజున ఈశాన్య మూలలో తామర రేకులను ఉంచి, అష్ఠదళాల మధ్యలో అపరాజితాయ నమః అనే మంత్రాన్ని పఠించి దుర్గా మాతను, శ్రీరాముడిని పూజించాలి. అనంతరం అమ్మవారికి కుంకుమ లేదా ఎరుపు రంగు, అక్షింతలు, పువ్వులు నైవేద్యంగా పెట్టి భోగాన్ని సమర్పించాలి. చివరగా అమ్మవారికి హారతి ఇవ్వాలి.
పాలపిట్టను చూస్తే..
దసరా పండుగ రోజున మగాళ్లు మన్యానికి వెళ్లి మరీ పాలపిట్టను చూడటం అలవాటుగా చేసుకున్నారట. అప్పటినుంచి ఈ సంప్రదాయం ప్రతి ఏటా కొనసాగుతూ వస్తోందని పెద్దలు చెబుతారు. అదే విధంగా దసరా పండుగ రోజున జమ్మి చెట్టును పూజించాలి. పాలపిట్టను దర్శించుకుంటే మనం చేపట్టే ప్రతి పనిలో విజయం లభిస్తుందని చాలా మంది విశ్వసిస్తారు. ఈ పాలపిట్ట కూడా నీలం, పసుపు రంగుల కలయికతో చాలా అందంగా ఉంటుంది. సాంస్కృతికంగా, పురాణాల పరంగా ఇంతటి ప్రాధాన్యం ఉన్న పాలపిట్టను చూడాలని ప్రతి ఒక్కరూ ఆశిస్తారు..
గమనిక : ఇక్కడ అందించిన సమాచారం, పరిహారాలన్నీ మత విశ్వాసాలపై ఆధారపడి ఉన్నాయి. ఇవి కేవలం ఊహాల ఆధారంగా ఇవ్వబడింది. దీనికి సంబంధించి ఎలాంటి శాస్త్రీయ ఆధారాలు లేవు.
- Read Latest Religion News and Telugu News