శుభ ముహుర్తం..
ప్రతి సంవత్సరం ఛైత్ర మాసంలో శుక్ల పక్షంలో వచ్చే కామద ఏకాదశి రోజున ఉపవాస వ్రతం ఆచరిస్తారు. అయితే ఈ ఏడాది కామద ఏకాదశి వ్రతం తేదీ విషయంలో కొంత గందరగోళం నెలకొంది. హిందూ పంచాంగం ప్రకారం, ఛైత్ర శుద్ధ ఏకాదశి తిథి 1 ఏప్రిల్ 2023 అర్ధరాత్రి 1:58 గంటలకు ప్రారంభమై, మరుసటి రోజు అంటే 2 ఏప్రిల్ 2023 తెల్లవారుజామున 4:19 గంటలకు ముగుస్తుంది. ఈ కారణంగా ఏప్రిల్ 1, 2 రెండురోజుల పాటు ఈ వ్రతాన్ని ఆచరించొచ్చు.
Sri Ram Navami 2023 నవమి రోజున అయోధ్య రామ మందిరంలో లేటెస్ట్ ఫోటోలు ఎలా ఉన్నాయో చూసెయ్యండి...
పూజా విధానం..
కామద ఏకాదశి రోజున సూర్యోదయానికి ముందే నిద్ర లేవాలి. పవిత్ర గంగాజలంతో స్నానం చేసి ఉతికిన బట్టలు ధరించి ఉపవాస వ్రతాన్ని ప్రారంభించాలి.అనంతరం విష్ణు మూర్తి విగ్రహం లేదా ఫోటోను శ్రీ యంత్రంతో సహా శుభ్రం చేసి ప్రతిష్టించాలి. నేతి దీపం వెలిగించాలి. ఈ పవిత్రమైన రోజున శ్రీమహా విష్ణువును పండ్లు, పువ్వులు, పాలు, నువ్వులు, తులసి ఆకులను, నైవేద్యాలను సమర్పించాలి. తులసి ఆకులు లేకుండా మీ పూజ పూర్తవ్వదన్న విషయాన్ని గుర్తుంచుకోవాలి. అనంతరం శ్రీ హరి స్తోత్రాలను, మంత్రాలను పఠిస్తూ.. చివరగా హారతి ఇచ్చి పూజ ముగించాలి. ఏకాదశి తర్వాత ద్వాదశి తిథి నాడు బ్రాహ్మణులకు దాన ధర్మాలు చేయాలి. అనంతరం ఉపవాస వ్రతాన్ని విరమించాలి.
ఏకాదశి కథ..
ఛైత్ర శుద్ధ ఏకాదశి రోజున కామద ఏకాదశి సందర్భంగా హరి నారాయణుడికి ప్రత్యేక పూజలు చేస్తారు. పూర్వ కాలంలో దిలీప్ రాజు ఈ ఉపవాస ప్రాముఖ్యతను గురువు వశిష్ట ద్వారా వివరించారు. పూర్వ కాలంలో పుండరీకుడు అనే రాజు దగ్గర పని చేసే గంధర్వుడు ఉండేవాడు. తను పని పట్ల నిర్లక్ష్యంగా ఉన్నాడని, తనను రాక్షసుడిగా మారిపోవాలని ఆ రాజు శాపం విధిస్తాడు. దీంతో అప్పటినుంచి గంధర్వుడు రాక్షసుడిగా మారి అందరినీ ఇబ్బంది పెడుతుంటాడు. అప్పుడు ఆ గంధర్వుడి భార్య ‘కామద ఏకాదశి’ వ్రతాన్ని ఆచరిస్తుందది. ఈ వ్రత పుణ్యఫలం వల్ల గంధర్వుడు సాధారణ రూపాన్ని పొందుతాడు. కాబట్టి పవిత్రమైన కామద ఏకాదశి రోజున శ్రీ మహా విష్ణువును ఆరాధించడం వల్ల సకల పాపాలు తొలగిపోతాయని చెబుతారు.
గమనిక : ఇక్కడ అందించిన సమాచారం, పరిహారాలన్నీ మత విశ్వాసాలపై ఆధారపడి ఉన్నాయి. ఇవి కేవలం ఊహాల ఆధారంగా ఇవ్వబడింది. దీనికి సంబంధించి ఎలాంటి శాస్త్రీయ ఆధారాలు లేవు.
Read Latest Religion News and Telugu News
వరాహా పురాణంలో..
కామద ఏకాదశి రోజున వ్రతం చేసిన స్త్రీలకు సౌభాగ్యం లభిస్తుందని పండితులు చెబుతారు. వరాహా పురాణంలో శ్రీ క్రిష్ణుడు యుధిష్టరునికి కామద ఏకాదశి విశిష్టతను వివరించారు. ఈరోజున ఉపవాసం ఆచరించడం వల్ల మనం తెలియక చేసిన పాపాలన్నీ తొలగిపోతాయని పురాణాల్లో వివరించబడింది. ఒకవేళ ఈ పవిత్రమైన రోజున ఏదైనా కారణంతో ఉఫవాస వ్రతం చేయలేకపోతే, ఓ పరిహారం పాటించొచ్చు. స్నానం చేసిన తర్వాత, విష్ణువు లేదా క్రిష్ణుడిని పూజించి రోజంతా సాత్వికంగా ఉండండి. మీ మనసును స్వచ్ఛంగా ఉంచుకోండి.