ధ్యానమనో ప్రస్థానంలో వైభవంగా కార్తీక పౌర్ణిమ వేడుకలు

ప్రముఖ ఆధ్యాత్మిక గురువు, సైంటిఫిక్ సెయింట్ శ్రీశ్రీశ్రీ గురు విశ్వస్ఫూర్తి దివ్య ఆశీస్సులతో సైన్స్ యూనివర్స్, బండ్లగూడ జాగీర్ ఆధ్వర్యంలో ధ్యానమనో ప్రస్థానంలో కార్తీక పౌర్ణిమ వేడుకలను వైభవంగా నిర్వహించారు. ఈ వేడుకల్లో భక్తులు పాల్గొని అత్యంత భక్తి శ్రద్ధలతో పూజలు చేశారు. వేడుకల్లో భాగంగా శ్రీశ్రీశ్రీ గురు విశ్వస్ఫూర్తి వారి విరచిత ‘ఆ ఇద్దరే..’ గ్రంథావిష్కరణ జరిగింది. ఈ వేడుకలకు ముఖ్య అతిథులుగా విచ్చేసిన శ్రీ పొట్టి శ్రీరాములు తెలుగు విశ్వ విద్యాలయం పూర్వ రిజిస్ట్రార్ డాక్టర్ టి.గౌరీశంకర్, జయ జయ శంకర ఛానల్ సీఈవో డాక్టర్ ఓలేటి పార్వతీశం సంయుక్తంగా ‘ఆ ఇద్దరే..’ గ్రంథాన్ని ఆవిష్కరించారు.
శుక్రవారం ఉదయం 9 గంటల నుంచి మధ్యాహ్నం వరకు ధ్యానమనో ప్రస్థానంలోని విశ్వచైతన్య వేదికలో కార్తీక పౌర్ణమి వేడుకలు జరిగాయి. ఈ సందర్భంగా శ్రీశ్రీశ్రీ గురు విశ్వస్ఫూర్తి భక్తులకు దివ్య సందేశాన్ని అందించారు. వేడుకల్లో భాగంగా సామూహిక ధ్యానం, ఉచిత వైద్య శిబిరం, పుస్తక ప్రదర్శన, పేదలకు వస్త్ర దానాలు, సాంస్కృతిక కార్యక్రమాలు నిర్వహించారు.

శ్రీశ్రీశ్రీ గురు విశ్వస్ఫూర్తి దివ్య సందేశం మీకోసం..