మకర సంక్రాంతినాడు సూర్యుడు మకరంలోకి..
జనవరి 14న మకర సంక్రాంతి జరుపుకోవడానికి కారణం మకర రాశిలో గ్రహాల రాజు అయిన సూర్యుడు ప్రవేశిస్తున్నాడు. జనవరి 14 గురువారం నాడు ఉదయం 8.14 గంటలకు ముహూర్తం ప్రారంభమవుతుంది. సాయంత్రం 6.54 గంటల వరకు ఈ పుణ్యకాలం ఉంటుంది. ఇది బ్రాహ్మణులు, ఉపాధ్యాయులు, రచయితలు, విద్యార్థులకు ప్రయోజనకరంగా, శుభకరంగా ఉంటుంది. సంక్రాంతి రోజు ఉదయం 6.24 గంటల ముందే పుణ్యం కాలం ప్రారంభమవుతుంది. కాబట్టి బ్రహ్మముహూర్తంతో కలిసి సంక్రాంతి స్నానం చేయడం ఈ ఏడాది జరుగుతుంది. ఈ రోజు సంక్రాంతికి సంబంధించి ఆధ్యాత్మిక కార్యక్రమాలకు మద్యాహ్నం 02.38 గంటల నుంచి మంచిది. తద్వారా స్నానాపానాలు, దానాలు చేసుకోవచ్చు.
పండగ తేదీల్లో గందరగోళం..
గత కొన్ని సంవత్సరాలుగా మకర సంక్రాంతి తేదీల్లో గందరగోళం నెలకొంటుంది. ఎందుకంటే కొన్నిసార్లు సూర్యుడు జనవరి 14న సాయంత్రం రాత్రికి ప్రవేశిస్తాడు. అలాంటి పరిస్థితిలో శాస్త్రాలను అనుసరించి మరుసటి రోజు సంక్రాంతిగా పరిగణిస్తారు. యుగాల నుంచి కాలం ఈ విధంగా మారుతుంది. జ్యోతిష లెక్కలు, సంఘటనల ప్రకారం మకర సంక్రాంతి డిసెంబరులో జరుపుకున్నట్లు సూచిస్తున్నాయి. 6వ శతాబ్దంలో హర్షవర్ధనుడు పాలించే కాలంలో డిసెంబరు 24న మకర సంక్రాంతి జరుపుకున్నట్లు ప్రస్తావించారు. అక్బర్ కాలంలో మకర సంక్రాంతి జనవరి 10న, శివాజీ కాలంలో జనవరి 11న జరుపుకున్నట్లు ఆధారాలున్నాయి.
సంక్రాంతి తేదీలు మారడానికి కారణం..
మకర సంక్రాంతి తేదీలు మారడానికి అసలు రహస్యమేమంటే.. సూర్యుడు వేగం ఏడాదికి 20 సెకన్లు పెరుగుతుంది. దీని ప్రకారం 5 వేల సంవత్సరాల తర్వాత మకర సంక్రాంతి జనవరిలో కాకుండా ఫిబ్రవరిలో జరుపుకునే అవకాశముంది. మకర సంక్రాంతికి సూర్యుడి రాక 14వ తేదీ ఉదయం జరుగుతుంది. కాబట్టి మకర సంక్రాంతిని ఈ ఏడాది జనవరి 14 అంటే గురువారం నాడు జరుపుకుంటారు.
వివాహాది శుభకార్యాలకు విరామం..
మకర సంక్రాంతినాడు సూర్యుడు ధనస్సు రాశి నుంచి మకరంలోకి ప్రవేశిస్తాడు. అయితే ధనస్సు నుంచి వదిలినప్పుడు కర్మలు ముగిసిన తర్వాత కూడా వివాహం, ఇతర పవిత్రమైన పనులు నిర్వహించబడవు. ఇందుకు కారణం మకర సంక్రాంతికి మూడు రోజుల తర్వాత గురుడు అస్తమించనున్నాడు. ఫలితంగా ఫిబ్రవరి 14 వరకు మూఢంగా పరిగణించి వివాహాది శుభకార్యాలకు విరామం ప్రకటిస్తారు.
దేశంలో ప్రభావం..
ఈ సారి మకర సంక్రాంతి చాలా ప్రత్యేక విషయమేమంటే సూర్యుడు కుమారుడైన శని సవ్యంగా మకరంలో సూర్యదేవుడిని స్వాగతిస్తారు. గురుడు, బుధుడు, చంద్రుడు, శనితో పాటు సూర్యుడు కూడా మకరంలో ఉండటం వల్ల పంచగ్రహాల కలయిక ఏర్పడుతుంది. గ్రహాల ఇలాంటి కలయిక చాలా అరుదుగా జరుగుతుంటుంది. ఎందుకంటే గురువులు, రాకుమారులు, న్యాయమూర్తులు, గ్రహాల నక్షత్రరాశులు అందరూ కలిసి ఉంటాయి. సూర్యుడు శ్రావణ నక్షత్రంలో మకరంలోకి ప్రవేశించనున్నాడు. ఇది శుభసంకేతాన్ని సూచిస్తుంది. మకరంలో సూర్యుడు ప్రయాణం వల్ల దేశ రాజకీయాల్లో అధికార పార్టీ ప్రభావం పెరుగుతుంది. కొన్ని చోట్ల పునర్వీవ్యవస్థీకరణ కూడా ఉండవచ్చు.