ఆటంకాలన్నీ తొలగిపోతాయి..
మార్గశిర మాసంలోని శుక్ల పక్షంలోని చతుర్థి రోజున వినాయకుడిని ఆరాధించడం వల్ల మీ జీవితంలో వచ్చే ఆటంకాలన్నీ తొలగిపోతాయని, కష్టాలన్నీ నశిస్తాయి. చతుర్థి వ్రతం ఆచరించిన వారికి ఆర్థిక పరమైన విషయాల్లో మంచి ప్రయోజనాలు లభిస్తాయి. మీ ఇంట్లో శాంతి వాతావరణం ఏర్పడుతుంది.
ఈ ఆలయ ప్రాంగణాల్లో ఒక్క కాకి కూడా కనిపించదు.. ఎందుకో తెలుసా...
కొన్ని శుభయోగాలు..
మార్గశిర వినాయక చతుర్థి రోజున కొన్ని శుభ యోగాలు ఏర్పడనున్నాయి. ఈ పవిత్రమైన రోజున రవియోగం, అమృత యోగం, సర్వార్ధ సిద్ధి యోగం వంటివి ఏర్పడనున్నాయి. ఈ శుభ యోగాలలో ఉపవాసం ఉండి వినాయకుడిని పూజించడం వల్ల మీ జీవితంలో ఎదురయ్యే ఇబ్బందులన్నీ సులభంగా అధిగమిస్తారు. అలాగే లంబోదరుడికి దుర్వా గడ్డిని సమర్పించడం వల్ల మీకు చెడు ఫలితాల నుంచి ఉపశమనం లభిస్తుంది.
ఈ పనులు చేయండి..
* మార్గశిర గణేష్ చతుర్థి రోజున మీ ఇంట్లో వినాయకుడిని పూజించడానికి ముందు వాయువ్య దిశలో కూర్చుని ఎరుపు రంగు దుస్తులు ధరించాలి. గణేశుడికి సింధూరం సమర్పించాలి. అనంతరం గణేశ్ చాలీసా పఠించాలి. అలాగే ‘శ్రీ గణేశాయ నమః’ అనే మంత్రాలను పఠించాలి. ఇలా చేయడం వల్ల బొజ్జ గణపతి అనుగ్రహం కచ్చితంగా లభిస్తుందని పండితులు చెబుతారు.
ఇవి చేయకండి..
మార్గశిర గణేష్ చతర్థి రోజున చాలా పవిత్రమైనది. కాబట్టి ఈ రోజున ఎవరినీ అవమానించకండి. అసభ్యకర పదాలను వాడొద్దు. హింసకు దూరంగా ఉండాలి. మీ మనసులో కూడా ప్రతికూల ఆలోచనలు రానీయకండి. పూర్తిగా బ్రహ్మచార్యంతో ఉండాలి. అన్నింటి కంటే ముఖ్యంగా వినాయకుడి పూజలో తులసిని వాడటం నిషేధించబడింది. కాబట్టి ఎట్టి పరిస్థితుల్లో పొరపాటున మరచిపోయి కూడా తులసిని వినాయక పూజలో వాడొద్దు. ఈరోజు మాంసాహారానికి దూరంగా ఉండాలి.
గమనిక : ఇక్కడ అందించిన సమాచారం, పరిహారాలన్నీ మత విశ్వాసాలపై ఆధారపడి ఉన్నాయి. ఇవి కేవలం ఊహాల ఆధారంగా ఇవ్వబడింది. దీనికి సంబంధించి ఎలాంటి శాస్త్రీయ ఆధారాలు లేవు.
- Read Latest Astrology News andTelugu News