మది దోచేలా.. మసాలా దినుసులతో మహాగణపతి విగ్రహం

హైదరాబాద్‌లోని అభిమన్యు యూత్ అసోసియేషన్ వనస్థలిపురంలో వెరైటీ వినాయకుడి విగ్రహాన్ని ఏర్పాటు చేసింది. పూర్తిగా మసాలా దినుసులతో ఈ విగ్రహాన్ని ఏర్పాటు చేయడం గమనార్హం. 500 గ్రాముల గరం మసాలా పొడితో లడ్డును తయారు చేశారు. విగ్రహం తయారీకి 2 కిలోల ధనియాలు, అర కిలో ఎండు మిరపకాయలు, రెండు కిలోల సజీరా, లవంగాలు, మిరియాలు, యాలకులు, బిర్యానీ ఆకులను ఉపయోగించారు.

ఈ విగ్రహ తయారికీ వారం రోజుల సమయం పట్టింది. గత ఏడేళ్లుగా అభిమన్యు యూత్ అసోషియేషన్ వివిధ రకాల వినాయకుడి విగ్రహాలను రూపొందిస్తోంది. గతంలో నెయ్యి, పెన్సిళ్లు, ఎరేజర్లు, పేపర్లు, దారాలతో వినాయకుడి ప్రతిమలను ఏర్పాటు చేశారు.