బ్రహ్మచారిణి పేరేలా వచ్చిందంటే..
బ్రహ్మచారిణి అమ్మవారి కుడి చేతిలో జపమాల, కమండలం ఉంటుంది. ఎడమ చేతిలో కలశం ఉంటుంది. తను తెల్లని చీరను ధరించి భక్తులకు దర్శనమిస్తుంది. అందుకే బ్రహ్మచారిణి కఠోర తపస్సు చేసే దేవతగా ప్రసిద్ధి చెందింది. ఈ అమ్మవారిని పూజించడం వల్ల భక్తి, సిద్ధి రెండూ లభిస్తాయని పండితులు చెబుతారు. దుర్గాదేవి ఈ రూపంలో కొన్నేళ్ల పాటు తీవ్రమైన తపస్సు చేయడం కారణంగా బ్రహ్మచారిణిగా పిలువబడింది. ఈ దేవి కఠోర తపస్సు చేయడం ద్వారా పరమేశ్వరుని అనుగ్రహం పొందింది. అందుకే ఈ అమ్మవారిని ఆరాధించడం వల్ల ఐశ్వర్యం, జ్ఞానం, వైరాగ్యం, సహనం, ధైర్యం వంటివి లభిస్తాయని పండితులు చెబుతారు.
Navratri 2022 నవరాత్రుల వేళ ఈ దుర్గా మంత్రాలను జపించండి... జీవితంలో కష్టాలన్నింటినీ అధిగమించండి...!
బ్రహ్మచారిణి మంత్రం..
నవరాత్రుల వేడుకల్లో రెండో రోజున ఉదయం లేదా సాయంత్రం వేళ బ్రహ్మచారిణి పూజ చేసే వారు ఈ మంత్రాన్ని జపించడం వల్ల శుభఫలితాలొస్తాయి.
‘ఓం హ్రీం క్లీం బ్రహ్మచారిణ్యై నమః’
ఈ మంత్రాన్ని వీలైనన్ని సార్లు పఠిస్తూ అమ్మవారిని ఆరాధిస్తే మీరు ఊహించిన ఫలితాలు వచ్చేస్తాయి.
దోషాలు తొలగిపోతాయి..!
బ్రహ్మచారిణి అమ్మవారిని పూజించడం వల్ల మీ జాతకంలో ఏమైనా మంగళ దోషాలు ఉంటే వాటి నుండి విముక్తి పొందొచ్చు. అదే సమయంలో మీ జన్మకుండలిలో అంగారకుడి స్థానం కూడా బలపడి, మీకు ఆస్తి సంబంధింత రంగాల్లో కలిసొస్తుంది. అందుకే బ్రహ్మచారిణి అమ్మవారిని ఈరోజున కచ్చితంగా పూజించాలని పండితులు చెబుతున్నారు.
బ్రహ్మచారిణి నైవేద్యం..
నవరాత్రుల్లో రెండోరోజైన మంగళవారం నాడు బ్రహ్మచారిణి దేవికి పండ్లు, పువ్వులు నైవద్యంగా సమర్పించాలి. కుంకుమపువ్వు, పాయసం కలిపిన వంటకాన్ని సమర్పించడం వల్ల అమ్మవారి అనుగ్రహం లభించి, మీరు అనుకున్న పనులన్నీ సాఫీగా సాగిపోతాయని పండితులు చెబుతున్నారు.
గమనిక : ఇక్కడ అందించిన సమాచారం, పరిహారాలన్నీ మత విశ్వాసాలపై ఆధారపడి ఉన్నాయి. ఇవి కేవలం ఊహాల ఆధారంగా ఇవ్వబడింది. దీనికి సంబంధించి ఎలాంటి శాస్త్రీయ ఆధారాలు లేవు. ఈ సమాచారాన్ని మీరు పరిగణనలోకి తీసుకునేందుకు సంబంధిత నిపుణులను సంప్రదించి పూర్తి వివరాలను తెలుసుకోగలరు.
- Read Latest Religion News and Telugu News