Navratri 2022 7th Day కాళరాత్రి మాత ఎవరు.. తనను పూజించే విధానం గురించి తెలుసుకోండి...

Navratri 2022 7th Day దేవీ నవరాత్రుల్లో భాగంగా అక్టోబర్ రెండో తేదీన ఆదివారం నాడు మహాసప్తమి వేళ అంటే ఏడో రోజున దుర్గా దేవిని కాళరాత్రి రూపంలో పూజిస్తారు. అ అమ్మవారు ఎల్లప్పుడూ శుభ ఫలితాలను ఇవ్వడం వల్ల తనను శుభంకరి అని కూడా పిలుస్తారు. ఈ తల్లి దుష్ట శక్తులను నాశనం చేస్తుంది. అందుకే ఈ దేవిని కాళరాత్రి అని పిలుస్తారు. ఈ అమ్మవారికి మూడు కన్నులు ఉంటాయని పురాణాల్లో పేర్కొనబడింది. కాళరాత్రి మాతను పూజించిన వారికి కష్టాలన్నీ తొలగిపోతాయని పండితులు చెబుతారు. అలాగే వ్యాధుల నుండి ఉపశమనం లభిస్తుంది. ఈ సమయంలో అమ్మవారి పూజా విధానం, మంత్రాల గురించి తెలుసుకోండి.

హిందూ పురాణాల ప్రకారం, శంభుడు, నిశుంభ, రక్తబీజులను సంహరించేందుకు దుర్గా మాత కాళరాత్రి రూపాన్ని తీసుకున్నారు. ఈ దేవి శరీరం చీకటిలా నల్లని రంగులో ఉంటుంది. ఈ తల్లి జుట్టు పొడవుగా ఉంటుంది. మెడలో దండ మెరుపులా మెరుస్తూ ఉంటుంది. తనకు మూడు కళ్లు పెద్దవిగా, విశ్వంలా గుండ్రంగా ఉంటాయి. అలాగే నాలుగు చేతులు ఉంటాయి. ఒక చేతిలో ఖడ్గం, మరో చేతిలో ఇనుప ఆయుధం, మూడో చేతిలో అభయ ముద్ర, నాలుగో చేతిలో వర ముద్ర ఉంటాయి.

పూజా విధానం..
నవరాత్రుల వేళ మహా సప్తమి రోజున బ్రహ్మముహుర్తంలో లేదా సాయంకాలం వేళలో అమ్మవారిని పూజించొచ్చు. ముందుగా కాళరాత్రి మాత ఎదుట దీపం వెలిగించాలి. అనంతరం ఎర్రని పువ్వులు సమర్పించాలి. మా కాళరాత్రి పూజలో తీపి పదార్థాలు, ఐదు రకాల పండ్లు, సువాసన వెదజల్లే అగరబత్తీలు, బెల్లం మొదలైన వాటిని సమర్పించాలి.

కాళరాత్రి మంత్రాలు..
ఓం ఐం హ్రీం క్లీం చాముండాయై విచ్చై
ఓం కాళరాత్రి దేవి ఓంః
ఓం కాళరాత్ర్యై నమః
ఓం ఫట్ శత్రుణ సఫూయ ఘటాయ

Read Latest Religion News and Telugu News