Paush Purnima 2023 కొత్త ఏడాదిలో తొలి పౌర్ణమి నాడు 3 అరుదైన యోగాలు, ఈరోజున ఇలా పూజిస్తే లక్ష్మీదేవి అనుగ్రహం లభిస్తుంది...!

Paush Purnima 2023 హిందూ పంచాంగం ప్రకారం , ప్రతి నెలా శుక్ల పక్షంలో వచ్చే పౌర్ణమికి, క్రిష్ణ పక్షంలో వచ్చే అమావాస్యకు ప్రత్యేక ప్రాముఖ్యత ఉంది. పురాణాల ప్రకారం, శుక్ల పక్షం చివరి రోజున పూర్ణిమ తిథిని దేవతల కాలం అంటారు. ఈ నేపథ్యంలో 2023 సంవత్సరంలో జనవరి ఆరో తేదీన శుక్రవారం నాడు వచ్చింది. ఈ పవిత్రమైన రోజున చంద్రుడితో లక్ష్మీనారాయణ స్వాముల వారిని ప్రత్యేకంగా పూజిస్తారు. ఈరోజున ఉపవాసం ఉండి ఇంట్లో సత్యనారాయణ కథను పారాయణం చేయడం ద్వారా, తమ జీవితంలోని కష్టాలన్నీ తొలగిపోయి, సుఖసంతోషాలు లభిస్తాయని చాలా మంది నమ్ముతారు. అంతేకాదు ఈ పౌర్ణమి రోజున పూజ చేయడం వల్ల మరణం తర్వాత తదుపరి జన్మలో సంపద, శాంతి, శ్రేయస్సును పొందుతారు. అందుకే జనవరి మాసంలో వచ్చే పుష్య పూర్ణిమ తిథిని చాలా ప్రత్యేకమైనదిగా పరిగణిస్తారు.

ఆంగ్ల నూతన సంవత్సరంలో వచ్చే తొలి పౌర్ణమి శుక్రవారం రోజున వచ్చింది. ఈ వారం లక్ష్మీదేవికి అంకితం ఇవ్వబడింది. కాబట్టి ఈ రోజున ఉపవాస వ్రతం ఆచరించాలి. ఈరోజు విశేష ఫలితాలు పొందాలంటే, లక్ష్మీదేవి అనుగ్రహం కావాలన్నా ప్రత్యేక పూజలు, పరిహారాలు చేయాలి. ఇలా చేయడం వల్ల మీ జీవితంలో సంతోషం కలుగుతుంది.

Makara Sankranti 2023 కొత్త ఏడాదిలో మకర సంక్రాంతి పండుగ ఎప్పుడొచ్చింది... ఈ పండుగ ప్రత్యేకతలేంటో చూసెయ్యండి...

శుభ యోగాలు..
తొలి పుష్య పౌర్ణమి రోజున నాలుగు ప్రత్యేక శుభ యోగాలు ఏర్పడనున్నాయి. ఈ పవిత్రమైన రోజున బ్రహ్మ యోగం, ఇంద్ర యోగం, సర్వార్ద సిద్ధి యోగం వంటి శుభ యోగాల వల్ల ఈ పౌర్ణమి ప్రాధాన్యత మరింత పెరిగింది.

బ్రహ్మ యోగం సమయం : 05 జనవరి 2023 ఉదయం 7:34 గంటల నుంచి, 06 జనవరి 2023 ఉదయం 8:11 గంటల వరకు
ఇంద్ర యోగం సమయం : 06 జనవరి 2023, ఉదయం 8:11 గంటల నుంచి మరుసటి రోజు 07 జనవరి 2023 ఉదయం 8:55 గంటల వరకు
సర్వార్ద సిద్ధి యోగం : 7 జనవరి 2023 అర్ధరాత్రి 12:14 గంటల నుంచి ఉదయం 6:38 గంటల వరకు
శుభ ముహుర్త వివరాలిలా...
పౌర్ణమి తిథి 6 జనవరి 2023 శుక్రవారం రోజున ఉదయం 2:14 గంటలకు ప్రారంభమవుతుంది.
పౌర్ణమి తిథి ముగింపు : 7 జనవరి 2023 శనివారం రోజున తెల్లవారుజామున 4:37 గంటల వరకు
అభిజిత్ ముహుర్తం : ఉదయం 11:33 గంటల నుంచి మధ్యాహ్నం 12:15 గంటల వరకు
చంద్రోదయ సమయం : సాయంత్రం 4:32 గంటలకు (ఈ సమయంలో చంద్రుడిని పూజించడం వల్ల ఉత్తమ ఫలితాలు లభిస్తాయి).

పూజా విధానం..
పుష్య పూర్ణిమను శాకంబరి పూర్ణిమ అని అంటారు. ఈ పవిత్రమైన రోజున బ్రహ్మ ముహుర్తంలో నిద్ర లేచి తలస్నానం చేయాలి. ఈరోజు ఉపవాసం వ్రతం ఆరంభించి పసుపు, పండ్లు, పూలు, మిఠాయిలు, నైవేద్యాలతో లక్ష్మీ నారాయణుడిని పూజించాలి. అలాగే సత్యనారాయణ కథని చదవాలి. శ్రీ హరి భజన, కీర్తనలు చేయాలి. సాయంత్రం పాలలో పంచదార, బియ్యం కలిపి చంద్రుడికి అర్ఘ్యం సమర్పించాలి. మీకు వీలైతే అర్ధరాత్రి సమయంలో లక్ష్మీదేవిని పూజించాలి. పౌర్ణమి తిథి రోజున రాత్రి వేళ లక్ష్మీదేవిని పూజించడం వల్ల ఇంట్లో లక్ష్మీదేవి స్థిరంగా ఉంటుందని చాలా మంది నమ్ముతారు.

గమనిక : ఇక్కడ అందించిన సమాచారం, పరిహారాలన్నీ మత విశ్వాసాలపై ఆధారపడి ఉన్నాయి. ఇవి కేవలం ఊహాల ఆధారంగా ఇవ్వబడింది. దీనికి సంబంధించి ఎలాంటి శాస్త్రీయ ఆధారాలు లేవు. ఈ సమాచారాన్ని మీరు పరిగణనలోకి తీసుకునేందుకు సంబంధిత నిపుణులను సంప్రదించి పూర్తి వివరాలను తెలుసుకోగలరు. పై సమాచారాన్ని ‘‘సమయం తెలుగు’’ దృవీకరించడం లేదు.

Read Latest Religion News and Telugu News