Raksha Bandhan 2022 రాఖీని ఆడవారే ఎందుకు కడతారు.. అది కూడా కుడిచేతికే కట్టడానికి గల కారణాలేంటో తెలిస్తే ఆశ్చర్యపోతారు...

ఒకప్పుడు ఉత్తర భారతానికే పరిమితమైన రాఖీ పౌర్ణమి వేడుకలు క్రమంగా దేశమంతటా వ్యాపించాయి. రాఖీ అంటే రక్షణ అని అర్థం. రక్షా బంధన్ లో రక్ష అంటే రక్షించడం, బంధన్ అంటే సూత్రం అని అర్థం. అందుకే ప్రతి ఒక్క సోదరీమణి తమ సోదరులకు రక్ష సూత్రం(రక్షా బంధన్) కడతారు. తమ సోదరులందరూ ప్రతి ఒక్క పనిలోనూ విజయం సాధించాలని కోరుతూ.. వారు జీవితంలో ఉన్నత స్థానానికి ఎదగాలని కోరుకుంటూ ఎర్రని దారాన్ని తయారు చేసి చేతికి కడతారు. అదే సమయంలో వారికి ఏదైనా తీపి పదార్థం తినిపించి, వారి నుదుట వీర తిలకం పెడతారు. అనంతరం హారతి ఇచ్చి వారి క్షేమాన్ని కోరుకుంటారు. సోదరులు సైతం తమ సోదరికి జీవితాంతం ఎల్లప్పుడూ రక్షణగా ఉంటామని వాగ్దానం చేస్తారు. అంతేకాదు వారికి నచ్చిన బహుమతులను సైతం ఇచ్చేస్తారు.

Raksha Bandhan 2022 ఈ ఏడాది మీ సోదరుల రాశిని బట్టి ఏ కలర్ రాఖీ కట్టాలంటే..

హిందూ మత విశ్వాసాల ప్రకారం ఏ శుభకార్యానికైనా కుడి చేతినే వాడతారు. ఎడమ చేతిని అశుభంగా భావిస్తారు. ఇది మూఢ నమ్మకం అని కొందరు కొట్టిపారేస్తుంటారు. అయితే మన దేశంలో చాలా మంది ఎడమచేతిని ఎక్కువగా శుభ్రం చేయడానికి వాడుతూ ఉంటారు. అంతేకాదు ఎడమ చేతిని ప్రతికూల శక్తిగా పరిగణిస్తారు. దీని వల్ల శారీరక రుగ్మతలు వస్తాయని నమ్ముతారు. అందుకే కుడి చేతికి రాఖీ కట్టాలని పెద్దలు చెబుతారు.

మరో కథనం ప్రకారం.. కుడి వైపున కంటే ఎడమ వైపున ఎక్కువగా బరువు ఉంటుంది. కుడి చేతిని అదృష్టంగా కూడా భావిస్తారు. అంతేకాదు ఎడమ వైపును దైవదూషణగా పరిగణిస్తారు. మరోవైపు ఆయుర్వేద శాస్త్రం ప్రకారం, కుడి చేతికి రక్షా బంధనం కట్టడం వల్ల వాత, పిత్త, కఫం కంట్రోల్ ఉంటాయి. సోదరీమణులు తమ సోదరులకు రాఖీ కట్టినప్పుడు ఈ మూడు శరీర భాగాలు క్రమబద్ధీకరణకు గురై ఆరోగ్యం మెరుగవుతుంది. అందుకే సోదరుల కుడిచేతికే రాఖీని కడతారు.

పురాణాల కాలం నుంచి రాఖీ పండుగ గురించి అనేక కథలు ప్రచారంలో ఉన్నాయి. రక్షా బంధన్ పండుగ జరుపుకోవడానికి ఎలాంటి కులమతాల పట్టింపు అవసరం లేదు. అదే విధంగా పేద, ధనిక అన్న తేడా అసలే ఉండదు. వయసుతో కూడా సంబంధం అనేదే లేదు. అందుకే రక్షా బంధన్ పండుగను ప్రపంచ వ్యాప్తంగా ఉన్న సోదర సోదరీమణులందరూ జరుపుకుంటారు.

Raksha Bandhan 2022 రాఖీ పండుగ పర్వదినాన ఈ పరిహారాలతో ఎన్ని ప్రయోజనాలో తెలుసా...

పురాణాల ప్రకారం.. దేవతలకు, రాక్షసులక సుమారు పుష్కర కాలం పాటు యుద్ధం జరిగింది. ఆ సమయంలో దేవతలకు అధిపతి అయిన ఇంద్రుడు నిస్సహాయ స్థితిలోకి పడిపోతాడు. అప్పుడు ఇంద్రుని సతీమణి శచీదేవి తనకు సహాయం చేయాలని శ్రీ మహా విష్ణువు వద్దకు వెళ్లి వేడుకుంటుంది. అప్పుడు ఇంద్రుడిని కాపాడటానికి విష్ణువు తన మణికట్టు చుట్టూ పత్తితో తయారు చేసిన ఓ పవిత్రమైన దారాన్ని కట్టాలని సూచించాడు. అప్పుడు శచీదేవి కోరిక మేరకు విష్ణు దేవుడు ఆ రాక్షసి నాశనం చేస్తాడు. అప్పటినుంచి ఈ రాఖీ దారం ఉనికిలోకి వచ్చింది. అలా శచీదేవి ప్రారంభించిన రక్షా బంధనం సంప్రదాయం.. నేటికీ పండుగల జరుపుకుంటున్నారని పురాణాల ద్వారా తెలుస్తోంది. అందుకనే అప్పటినుంచి కేవలం ఆడవారు మాత్రమే తమ సోదరులకు రక్షా బంధనాన్ని కట్టి తమ క్షేమాన్ని కోరుకుంటున్నారు.

గమనిక : ఇక్కడ అందించిన సమాచారం, పరిహారాలన్నీ, మత విశ్వాసాలపై ఆధారపడి ఉన్నాయి. ఇవి కేవలం ఊహాల ఆధారంగా ఇవ్వబడింది. దీనికి సంబంధించి ఎలాంటి శాస్త్రీయ ఆధారాలు లేవు. ఈ సమాచారాన్ని మీరు పరిగణనలోకి తీసుకునేందుకు సంబంధిత నిపుణులను సంప్రదించి పూర్తి వివరాలను తెలుసుకోగలరు. పై సమాచారాన్ని ‘‘సమయం తెలుగు’’ దృవీకరించడం లేదు.