Shiv Puja Tips శ్రావణంలో శివయ్యకు ఇలా అభిషేకం చేస్తే.. రాహు, కేతు దోషాలు తొలగిపోయి.. గ్రహాల స్థానాలు బలపడతాయట..

Shiv Puja Tips తెలుగు పంచాంగం ప్రకారం, జూలై 18వ తేదీ మంగళవారం నుంచి అధిక శ్రావణ మాసం ప్రారంభమవుతుంది. ప్రతి ఏటా వచ్చే శ్రావణ మాసం కంటే ఈసారి వచ్చే శ్రావణ మాసం ఎంతో ప్రత్యేకం. ఎందుకంటే ఈసారి ఒక నెల కంటే ఎక్కువ సమయం శ్రావణ మాసం ఉంటుంది. ఈ మాసంలో శివలింగానికి జలాభిషేకం చేసి, బిల్వపత్రాలు, పువ్వులు, పాలు, పెరుగు, తేనే వంటి వాటిని సమర్పిస్తే పరమేశ్వరుడిని ప్రసన్నం చేసుకోవచ్చని పండితులు చెబుతారు. అంతేకాదు శని లేదా రాహువు, కేతువులతో ఇబ్బందులు ఎదుర్కొనే వారికి కూడా దోషాలన్నీ తొలగిపోతాయి. ఎందుకంటే ఈ మూడు గ్రహాలకు ఈశ్వరుడు అధిపతిగా ఉంటాడు. అందుకే ఈ మాసంలో శివుని అనుగ్రహం కోసం ప్రతి ఒక్కరూ ప్రత్యేక పూజలు చేస్తారు. ఇలా చేయడం వల్ల తమ వ్యక్తిగత, కుటుంబ జీవితంలో ఆనందం, శ్రేయస్సు పెరుగుతాయి. అంతేకాదు శివ పూజ సమయంలో జలాభిషేకం చేయడం వల్ల విశేష ఫలితాలొస్తాయి. ఇదిలా ఉండగా శివ పురణాం ప్రకారం, శివునికి అభిషేకం చేసిన తర్వాత ఆ నీటిని వేళ్లతో తీసుకుని శరీరంపై రాసుకుంటే.. రాహుకేతువు, శని గ్రహాల సంబంధించిన దోషాలన్నీ తొలగిపోతాయని పండితులు చెబుతారు.
Ashada Amavasya 2023 ఆషాఢ అమావాస్య వేళ పొరపాటున కూడా ఈ పనులు చేయకండి...
గ్రహాల స్థానాలు బలపడతాయి..
శివ పురాణం ప్రకారం, శరీరంలోని మూడు భాగాలు కళ్లు, తల, స్వరం చాలా ముఖ్యమైనవి. శివలింగానికి జలాభిషేకం చేసిన తర్వాత ఆ నీటిని పై మూడు భాగాలపై రాయడం వల్ల నవ గ్రహాల దోషాలన్నీ తొలగిపోతాయని పండితులు చెబుతారు. అంతేకాదు శని, కుజుడు, రాహువు, కేతువు, బుధుడు, శుక్రుడు, సూర్యుడు, గురు గ్రహాల స్థానాలు బలపడతాయి. ఈ కారణంగా మీరు అన్ని రంగాల్లో విజయం సాధిస్తారు. సమాజంలో మీకు గౌరవం పెరుగుతుంది. మీ ఆదాయం కూడా పెరుగుతుంది.
ఈశ్వరుని ఆశీస్సులు..
జ్యోతిష్యశాస్త్రం ప్రకారం, గ్రహాల రాజుగా పరిగణించే సూర్యుడి స్థానం తలలో ఉంటుంది. కళ్లు, రక్తం అంగారకుడి(కుజుడు) చేత ప్రభావితమవుతాయి. జీవుడు దంతాలలో బుధుడు, నోటిపైన రాహువు, స్వరంలో కేతువు ప్రభావం ఉంటుంది. అందుకే ఈ శరీర భాగాలపై శివునికి అంకితం చేసిన నీటిని రాయడం వల్ల ఈశ్వరుని అనుగ్రహం లభించి, గ్రహాలకు సంబంధించిన దుష్ప్రభావాలన్నీ తగ్గిపోతాయి.
Budha Gochar 2023 సింహరాశిలో లక్ష్మీ నారాయణ యోగం.. ఈ 6 రాశులకు పెరగనున్న అదృష్టం..!
శివ లింగానికి నీరు సమర్పించే విధానం..
శివ లింగానికి నీరు సమర్పించేందుకు కొన్ని ప్రత్యేక నియమాలు ఉన్నాయి. శాస్త్రాల ప్రకారం, ఉత్తరాభిముఖంగా ఉన్న శివ లింగానికి నీరు సమర్పించాలి. ఒక రాగి, ఇత్తడి లేదా వెండి పాత్రలో నుంచి నీటిని తీసుకుని, శివ లింగం గుండ్రని ప్రదేశంలో నీటితో అభిషేకం చేయాలి. జలాభిషేకం సమయంలో ‘‘ఓం నమః శివాయ’’ అనే శివ మంత్రాన్ని జపించాలి.

గమనిక : ఇక్కడ అందించిన సమాచారం, పరిహారాలన్నీ మత విశ్వాసాలపై ఆధారపడి ఉన్నాయి. ఇవి కేవలం ఊహాల ఆధారంగా ఇవ్వబడింది. దీనికి సంబంధించి ఎలాంటి శాస్త్రీయ ఆధారాలు లేవు. ఈ సమాచారాన్ని మీరు పరిగణనలోకి తీసుకునేందుకు సంబంధిత నిపుణులను సంప్రదించి పూర్తి వివరాలను తెలుసుకోగలరు. పై సమాచారాన్ని ‘‘సమయం తెలుగు’’ దృవీకరించడం లేదు.

Read Latest Religion News and Telugu News