సైన్స్ యూనివర్స్ ఆధ్వర్యంలో వైభవంగా ఉగాది వేడుకలు

శ్రీ శ్రీ శ్రీ గురు విశ్వస్ఫూర్తి వారి దివ్య ఆశీస్సులతో సైన్స్ యూనివర్స్, బండ్ల గూడ జాగీర్, హైదరాబాద్ వారి ఆధ్వర్యంలో వికారి నామ సంవత్సర ఉగాది వేడుకలు ఎంతో వైభవంగా జరిగాయి. శ్రీ శ్రీ శ్రీ గురు విశ్వస్ఫూర్తి వారు, వారి దివ్య ఆశీస్సులను అక్కడకు విచ్చేసిన అశేష భక్తజన వాహినికి అందజేశారు. ఈ ఆధునిక సమాజంలో మానవత్వంతో మనిషి మనుగడ జరగాలన్నదే గురువు గారి ధ్యేయం. అందుకు మనసులో పరివర్తన జరగాలని, దానికి ‘ఆసన - ప్రాణాయామ - ధ్యానం’ అవసరమని తద్వారానే ఆత్మీయ సమాజం ఏర్పడుతుందని తెలియ జేశారు.
ఈ కార్యక్రమంలో భాగంగా పంచాంగ శ్రవణం, సామూహిక ధ్యానం, ఉచిత వైద్య శిబిరం, పుస్తక ప్రదర్శన, పేదలకు వస్త్ర దానం, సాంస్కృతిక కార్యక్రమాలు నిర్వహించారు. ఉచిత వైద్య శిబిరంలో భాగంగా ఏడుగురు డాక్టర్లు పాల్గొని, సుమారు 250 మందికి వైద్య సేవలు అందించారు. ఈ కార్యక్రమంలో ముఖ్య అతిథులుగా ఆల్ ఇండియా రేడియో, హైదరాబాద్ పూర్వ డైరెక్టర్ మంగళగిరి ఆదిత్య ప్రసాద్ పాల్గొన్నారు. ఈ కార్యక్రమానికి సైన్స్ యూనివర్స్ అధ్యక్షులు ఎస్. రాజేంద్ర అధ్యక్షత వహించారు.