Vaishak Amavasya 2023 హిందూ మత విశ్వాసాల ప్రకారం, అమావాస్యకు ఎంతో ప్రాధాన్యత ఉంది. అందులో వైశాఖ అమావాస్య విశేషాలేంటో ప్రత్యేకంగా చెప్పాల్సిన పని లేదు. అంతటి విశిష్టత ఉన్న వైశాఖ అమావాస్య ఈసారి ఎప్పుడొచ్చింది.. శుభ ముహుర్తాలేంటో ఇప్పుడు తెలుసుకుందాం.
Vaishak Amavasya 2023 హిందూ పురాణాల ప్రకారం, అమావాస్య రోజున సూర్యుడిలో జాబిల్లి పూర్తిగా కలిసిపోతాడు. దీంతో ఈ రోజంతా చీకటిమయం అవతుంది. అందుకే ఈ రోజున ఎలాంటి శుభకార్యాలు చేపట్టరు. ఎందుకంటే ఏ కొత్త పనిని ప్రారంభించినా అవి విజయవంతంగా పూర్తి కావని చాలా మంది నమ్ముతారు. ఈ నేపథ్యంలో ఈ నెలలో ఏప్రిల్ 20వ తేదీన గురువారం నాడు వైశాఖ అమావాస్య వచ్చింది. ఈ అమావాస్యను సుత్వై అమావాస్య అని కూడా అంటారు. ఈ అమావాస్యకు ఎన్నో ప్రత్యేకతలున్నాయి. ఎందుకంటే ఈరోజునే సంవత్సరంలో తొలి సూర్య గ్రహణం ఏర్పడుతుంది. ఈరోజు సర్వార్ధ సిద్ధి యోగం కూడా ఏర్పడనుంది. మరోవైపు కాల సర్పదోషం నుంచి బయటపడటానికి చాలా ముఖ్యమైనదిగా పరిగణించబడుతుంది. ఈరోజున శ్రాద్ధ కర్మ, పిండదానం, మంత్రాలు పఠించడం ద్వారా జీవితం ఆనందంగా మారుతుందని చాలా మంది నమ్ముతారు. ఈ సందర్భంగా వైశాఖ అమావాస్య శుభ ముహుర్తం, ఈ పవిత్రమైన రోజున ఏయే పూజలు చేయడం వల్ల దోషాలన్నీ తొలగిపోయి.. శుభ ఫలితాలొస్తాయనే ఆసక్తికరమైన విషయాలను ఇప్పుడు తెలుసుకుందాం...
Samayam Telugu
వైశాఖ అమావాస్య ముహుర్తం.. వైశాఖ అమావాస్య తేదీ ప్రారంభం : 19 ఏప్రిల్ 2023 బుధవారం ఉదయం 11:23 గంటల నుంచి వైశాఖ అమావాస్య తేదీ ముగింపు : 20 ఏప్రిల్ 2023, గురువారం ఉదయం 9:41 గంటల వరకు
వైశాఖ అమావాస్య ప్రాముఖ్యత.. హిందూ పురాణాల ప్రకారం, వైశాఖ అమావాస్య రోజున పూర్వీకులను స్మరించుకుంటూ శ్రాద్ద కర్మలు, పిండ ప్రదానాలు చేయడం వల్ల పూర్వీకుల ఆశీస్సులు లభిస్తాయని నమ్ముతారు. ఎందుకంటే వారు ఈరోజున భూలోకంలోకి దిగి వస్తారని నమ్ముతారు. అందుకే వారిని ఈరోజు ఆరాధించడం వల్ల శుభ ఫలితాలొస్తాయని నమ్ముతారు. ఈ పవిత్రమైన రోజున పేదలకు దానధర్మాలు చేయడం వల్ల అనేక ప్రయోజనాలు దక్కుతాయి.
పూజా విధానం.. వైశాఖ అమావాస్య రోజున ఉదయాన్నే నదిలో స్నానం ఆచరించి.. ఇంట్లో మీ పూజా గదిలో ఉన్న దేవుడి ఎదుట దీపం వెలిగించాలి. ఆ తర్వాత సూర్య భగవానుడికి నమస్కారం చేయాలి. ఈరోజున గంగాజలాన్ని, నువ్వులను రావి చెట్టుకు సమర్పించాలి. శని దేవుడిని ఆరాధించాలి. శని భగవానుడికి నువ్వులు, ఆవ నూనె సమర్పించాలి.
ఉపవాసంతో కలిగే లాభాలు.. వైశాఖ అమావాస్య రోజున ఉపవాసం ఉండటం వల్ల అనేక ప్రయోజనాలు చేకూరతాయి. ఈరోజున ఉపవాసం ఉండటం వల్ల మన పూర్వీకుల కష్టాలను తీర్చడమే కాదు.. రాహువు దోషాల నుంచి ఉపశమనం పొందొచ్చని పండితులు చెబుతారు.
గమనిక : ఇక్కడ అందించిన సమాచారం, పరిహారాలన్నీ మత విశ్వాసాలపై ఆధారపడి ఉన్నాయి. ఇవి కేవలం ఊహాల ఆధారంగా ఇవ్వబడింది. దీనికి సంబంధించి ఎలాంటి శాస్త్రీయ ఆధారాలు లేవు.
ఎస్.వెంకటేష్ సమయం తెలుగులో డిజిటల్ కంటెంట్ ప్రొడ్యూసర్‌గా పని చేస్తున్నారు. ఇక్కడ ప్రతిరోజూ ఆస్ట్రాలజీ, ఆధ్యాత్మిక రంగాలకు సంబంధించి కొత్త విషయాలను, మిస్టరీలను, ప్రత్యేకమైన సమాచారాన్ని అందిస్తారు. తనకు జర్నలిజంలో 8 ఏళ్లకు పైగా అనుభవం ఉంది. ఇప్పటివరకు ప్రముఖ మీడియా సంస్థల్లో వార్తలు, క్రీడలు, ఫీచర్స్, లైఫ్‌స్టైల్(జీవన శైలి)కు సంబంధించిన సమాచారాన్ని అందించారు.... మరిన్ని చదవండి
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
