శుభ ముహుర్తం..
సెప్టెంబర్ 17వ తేదీన శనివారం రోజున మధ్యాహ్నం 12:21 గంటల వరకు రోహిణి నక్షత్రం ఉంటుంది. సంక్రాంతి శుభ సమయం మధ్యాహ్నం 1:46 గంటల వరకు ఉంటుంది. రాహుకాలం ఉదయం 9 గంటల నుంచి రాత్రి 10:30 వరకు ఉంటుంది. ఈ నేపథ్యంలో విశ్వకర్మ పూజకు ఉదయం 7:38 నుంచి ఉదయం 9:11 గంటల శుభప్రదంగా ఉంటుంది.
మధ్యాహ్నం 1:47 గంటలలోపు పూజను పూర్తి చేయాలి.
Palmistry about lucky signs అరచేతిలో ఈ రెండు స్థానాలు ఎత్తుగా ఉంటే ఆదాయనికి లోటే ఉండదట...!
విశ్వకర్మ జననం..
విశ్వకర్మ పుట్టుక గురించి అనేక గ్రంథాలలో భిన్నాభిప్రాయాలు చాలా ఉన్నాయి. ఒక గ్రంథం ప్రకారం, బ్రహ్మకుమారుడు ధర్ముడు, ధర్మ కుమారుడు వాస్తు దేవుడు. విశ్వకర్మ వాస్తుదేవ, అంగీరాశిల కుమారుడు. స్కంద పురాణం ప్రకారం, బుుషి ధర్మ ఎనిమిదో కుమారుడు ప్రభాస. గురు బుుషి సోదరి భువన బ్రహ్మవాదిని ప్రభాస్ పెళ్లి చేసుకున్నాడు. విశ్వకర్మ భువన బ్రహ్మవాదిని కుమారుడిగా చెబుతారు. మరోవైపు మహాభారతంలో కూడా విశ్వకర్మ ప్రస్తావన ఉంది. వరాహ పురాణం ప్రకారం, బ్రహ్మదేవుడు విశ్వకర్మను భూలోకానికి వెళ్లామని ఆదేశించాడు.
పౌరాణిక ఇంజినీర్..
విశ్వకర్మ భూమిపై అనేక రాజభవనాలు, నిర్మాణాలు, ఆయుధాలను సృష్టించాడు. అందుకే తనను పౌరాణిక ఇంజనీర్ అని కూడా అంటారు. భూలోకంలో ద్వారకా నగరాన్ని, పాండవుల కోసం ఇంద్రప్రస్థాన్ని, హస్తినాపురం నగరాన్ని, రావణుడి కోసం లంకా నగరాన్ని విశ్వకర్మ సృష్టించినట్లు శాస్త్రాల ద్వారా తెలుస్తోంది. అంతేకాదు మహాదేవుని చేతిలో ఉండే త్రిశూలం, విష్ణువుతో ఉండే సుదర్శన చక్రం, యమరాజు చేతిలో ఉండే పాశం, కర్ణుని కుండలు, పుష్పక విమానాలన్నీ విశ్వకర్మచే సృష్టించబడ్డాయి.
పూజా విధానం..
విశ్వకర్మ జయంతి రోజున చేతి పని చేసుకునే వారంతా తమ యంత్రాలు, క్రాఫ్ట్ మెటీరియల్స్ ను పూజిస్తారు. ఈ పవిత్రమైన రోజు విష్ణుమూర్తితో పాటు విశ్వకర్మను ప్రతిమను స్థాపించాలి. ఈరోజున పసుపు, కుంకుమ, అక్షింతలు, వస్త్రాలు, పువ్వులు సమర్పించాలి. అనంతరం విష్ణువును, విశ్వకర్మను పూజించాలి. దీపం, ధూపం సమర్పించిన తర్వాత కాలానుగుణంగా లభించే పండ్లు, తీపి పదార్థాలను నైవేద్యంగా సమర్పించిన అనంతరం హారతి ఇవ్వాలి.
విశ్వకర్మ మంత్రాలు..
‘‘ఓం భగవాన్ విశ్వకర్మ దేవా శిల్పి ఇహ గచ్చ ఇహ సుప్రతిస్తో భవ’’
‘‘ఓం అనంతం నమః ఓం కూమాయై నమః
ఓం శ్రీ సృష్టతనాయ సర్వసిద్ధాయ విశ్వకర్మాయ నమో నమః’’
ఈ మంత్రాలను పఠించిన తర్వాత, విశ్వకర్మ విగ్రహం లేదా ఫొటోపై అక్షింతలు వేయాలి. అనంతరం విశ్వకర్మ మీ ఎదుటే ఉన్నారని స్మరించుకుంటూ తనను ఆరాధించాలి.
విశ్వకర్మ జయంతి రోజున పూజలు చేయడం ద్వారా, మంత్రాలను పఠించడం వల్ల అనేక శుభ ఫలితాలొస్తాయి. వ్యాపారులకు, యంత్రాల వద్ద పని చేసే వారికి అనేక ప్రయోజనాలు లభిస్తాయని చాలా మంది నమ్ముతారు.