సంక్రాంతి రోజున..
హిందూ మత విశ్వాసాల ప్రకారం, మకర సంక్రాంతి రోజున ప్రజలందరూ పవిత్రమైన గంగా నదిలో లేదా ప్రవహించే నీటిలో స్నానం చేస్తారు. జ్యోతిష్యశాస్త్రం ప్రకారం మకరరాశిలోకి సూర్యుడు సంచారం చేయడం ప్రారంభిస్తారు. సూర్యుడు ఇలా ఒక రాశి నుంచి మరో రాశిలోకి ప్రవేశించడాన్ని సంక్రాంతి అంటారు. సూర్యుడు మకరరాశిలోకి ప్రవేశించే సమయంలో బుధుడు, శని గ్రహాలు ఇదే రాశిలో నివాసం ఉంటారు.
ఏ తేదీలో వచ్చిందంటే..
2023 సంవత్సరంలో సూర్య దేవుడు ధనస్సు రాశి నుంచి మకర రాశిలోకి జనవరి 14వ తేదీ రాత్రి 8:21 గంటలకు ప్రవేశించనున్నాడు. తెలుగు పంచాంగం ప్రకారం ఉదయం తిథిని పరిగణనలోకి తీసుకుంటారు. కాబట్టి ఈసారి సంక్రాంతి పండుగను జనవరి 15వ తేదీ ఆదివారం నాడు జరుపుకుంటారు. ఈ పవిత్రమైన రోజున సూర్య భగవానుడిని పూజించడం వల్ల విశేష ఫలితాలొస్తాయని పండితులు చెబుతారు.
శుభ యోగాలు..
హిందూ క్యాలెండర్ ప్రకారం, జనవరి 14వ తేదీన రేవతి నక్షత్రం ఉంటుంది. మకర సంక్రాంతి రోజున సర్వార్ధ సిద్ధి యోగం, రాజ పదయోగంతో పాటు మరికొన్ని పవిత్రమైన శుభ యోగాలు ఏర్పడనున్నాయి. మకర సంక్రాంతి రోజున ఉదయం 5:43 నుంచి సాయంత్రం 6:56 గంటల వరకు శుభ ముహుర్తం ఉంటుంది.
దాన ధర్మాలు..
మకర సంక్రాంతి పండుగ రోజున దాన ధర్మాలు చేయడం వల్ల మంచి ప్రయోజనాలు చేకూరతాయని పెద్దలు చెబుతారు. ఇదే రోజున సూర్యుడు దక్షిణాయానం నుండి ఉత్తరయానంలోకి మారతాడు. ఈ సమయంలో చలి తీవ్రత కూడా తగ్గుతుంది. అందుకే ఈరోజున సూర్య భగవానుడికి ప్రత్యేక పూజలు నిర్వహించాలని పండితులు చెబుతారు. అంతేకాదు ఈ పవిత్రమైన రోజున బెల్లం, నువ్వులు లేదా శనగపప్పు అవసరమైన వారికి దానం చేయాలి. దీని వల్ల మీరు శుభ ఫలితాలను పొందుతారు.
గమనిక : ఇక్కడ అందించిన సమాచారం, పరిహారాలన్నీ మత విశ్వాసాలపై ఆధారపడి ఉన్నాయి. ఇవి కేవలం ఊహాల ఆధారంగా ఇవ్వబడింది. దీనికి సంబంధించి ఎలాంటి శాస్త్రీయ ఆధారాలు లేవు.
Read Latest Religion News and Telugu News