నారదుడు కలహ ప్రియుడిగా పేరు తెచ్చుకున్నా...

నారదుడి పేరు ప్రస్తావించని హిందూ పురాణం లేదు. అష్టాదశ పురాణాలు, రామాయణ, మహాభారతాల్లోనూ నారదుడు పాత్ర గురించి వివరించారు. బ్రహ్మ, సరస్వతి కుమారుడైన నారదుడు త్రిలోక సంచారి. సంగీత విద్యాంసుడైన నారదుడు సమాచారంతో జీవులను వివేకవంతులను గావించాడు. అంతే కాదు నారాయణుడికి పరమ భక్తుడు. విరాట రూపంలోని శ్రీమహావిష్ణువును గుర్తించిన యోగి. రుషి సనత్కుమార చంద్యోగపనిషత్తు ఏడో భాగంలోని భూమ విద్య గురించి నారదుడుకి బోధించాడు. ఉపనిషత్తుల్లోని అత్యంత ఉన్నతమైన ఈ విద్యను ఎట్టి పరిస్థితుల్లోనూ నిర్లక్ష్యం చేయరాదని నారద మహర్షికి సనత్కుమార సూచించాడు.

మహాభారతంలో నారదుడు కీలక పాత్ర పోషించాడు. పాండవుల వెన్నంటి ఉండి, యుధిష్ఠరుడికి ధర్మ మార్గాన్ని నిర్దేశించాడు. పన్నెండు మంది చిరంజీవుల్లో నారదుడు కూడా ఒకరు. సజీవంగా ఉన్నాడు కాబట్టే మన మనసుల్లో నివశిస్తున్నాడు. 64 విద్యలకు అధిపతిగా పేర్కొంటారు. నారదుడి యొక్క భక్తి సూత్రాలను ఒక కళాఖండంగా చెప్పవచ్చు. భక్తి గురించి ఇతర పుస్తకాలతో పోలికలేని సూత్రాలు ఇవి. ఇందులో భక్తి అధికారం, తత్వశాస్త్రం గురించి స్పష్టంగా వివరించాయి. ఎలాంటి వారైనా అర్ధం చేసుకునే పదాలు ఇందులో ఉన్నాయి.

పరిపూర్ణమైన దేవదూత. ముల్లోకాలలో అలుపు లేకుండా సంచరించే శక్తి నారదుడి సొంతం. ఆ మార్గంలో కలిసిన ప్రతి ఒక్కరికీ సమాచారాన్ని భాగాలుగా పంచాడు. మానవులు, దేవతలు, రాక్షసులతోనూ ఒకేలా వ్యవహరించాడు. దైవం జ్ఞానాన్ని ప్రసాదించే వ్యక్తిగా శబ్దకల్పద్రుమలో పేర్కొన్నాడు. నారదుడు కలహ ప్రియుడిగా ప్రసిద్ధి గాంచాడు. కొన్నిసార్లు అధికారికంగా పుకార్లను వ్యాపింపజేసేవాడిగా ఆరోపించారు. అయితే వివాదాలను కలిగించే ఆరోపణలు ఎదుర్కొన్నప్పటికీ అతడి ఉద్దేశం మాత్రం హానికారకమని ఎప్పటికీ చెప్పలేం. ఎందుకంటే మనిషి జీవించి ఉన్నా లేదా మరణించినా ఆత్మ శ్రేష్ఠతే అంతిమ లక్ష్యమని భావించాడు.

ఒకానొక సందర్భంలో జలంధురడనే రాక్షసుడు క్రూరంగా మారి దేవ, మానవులను హింసిస్తుంటే అతడి సంహారానికి నారదుడు యుక్తి పన్నాడు. శివుడి నుంచి వరం పొందడంతో జలంధరుడి ఆగడాలకు అడ్డుకట్టే లేకుండా పోయింది. దీంతో నారదుడు పార్వతి అందాన్ని వర్ణించి జలంధురుడికి మోహం కలిగించాడు. వర గర్వంతో జగన్మాతను మోహించి ఆమెను పొందడానికి ప్రయత్నించడంతో చివరకు శివుడు సంహరించాడు.