బంగారం అమ్ముకుంటే బ్యాడ్‌లక్!

బంగారం ఒక మూలకం. ఇదో విలువైన లోహం. అలంకారాలకు, నగలకు విరివిగా వాడుతారు. ఆయుర్వేద వైద్యంలోనూ దీనికి విశేష ప్రాధాన్యత ఉంది. బంగారం ఒక రసాయనిక మూలకం. ఇది ఆవర్తన పట్టికలో 11 వ సమూహానికి చెందింది. పూర్వ కాలంలో దీన్ని ద్రవ్యంగా వాడేవారు. ఇక బంగారం వినియోగంలో ప్రపంచంలోనే భారత్ రెండో స్థానంలో ఉంది. ఆభరణాలంటే భారతీయులకు మక్కువ. దీన్ని నగదుకు ప్రత్యామ్నాయంగా కొన్ని సందర్భాల్లో పరిగణిస్తారు. అంతేకాదు బంగారు ఆభరణాలను ధరించడం హోదాకు చిహ్నంగా భావిస్తారు. వాస్తు ప్రకారం బంగారాన్ని సొంతం చేసుకుంటే, వ్యక్తిత్వంపై విశ్వాసం పెరుగుతుంది.

బంగారం స్వచ్ఛమైంది. ఇంటి నిర్మాణం కోసం శంకుస్థాపన సమయంలో బంగారం, వెండి లోహాలు, రత్నాలను వేస్తే నెగెటివ్ వైబ్రేషన్స్ దూరంగా ఉంటాయి. అంతేకాదు బంగారం చాలా శక్తివంతమైన లోహం... గృహ‌ంలో చిన్న చిన్న వాస్తు దోషాలను సైతం నివారిస్తుంది. కొన్నిసార్లు అవసరాల కోసం ఇంట్లో నగలను అమ్మడం వాస్తు ప్రకారం మంచిది కాదు. దేవతల శక్తులను ఆకర్షించే గుణం బంగారానికి ఉంది.

ఇంట్లోని బంగారాన్ని అమ్ముకుంటే ఆర్థిక సమస్యలను కొని తెచ్చుకున్నట్లే. ఎందుకంటే తయారీ, తరుగు పేరుతో నష్టపోవాల్సి ఉంటుంది. ఆభరణాలను అమ్మకం పెట్టాలని భావిస్తే దానికి మూల్యం చెల్లించుకోడానికి సిద్ధంగా ఉండాలి. పసిడి వ్యక్తిలో ఆశలను కలిగిస్తుంది. చుట్టూ పరిసరాలను అనుకూలంగా మార్చుతుంది.