అక్షయ తృతీయ రోజునే..
హిందూ పురాణాల ప్రకారం, వేద వ్యాస మహర్షిని శ్రీ మహా విష్ణువు అవతారంగా పరిగణిస్తారు. వ్యాసుడు అక్షయ తృతీయ రోజునే మహాభారతాన్ని రచించడం మొదలుపెట్టాడు. అంతేకాదు ఈ పవిత్రమైన రోజే గంగమ్మ తల్లి దివి నుంచి భువికి దిగి వచ్చింది. ఇంత అద్భుతమైన రోజున బంగారంతో పాటు ఖరీదైన వస్తువులను కొంటే తమ సంపద, శ్రేయస్సు పెరుగుతుందని చాలా మంది నమ్ముతారు.
Akshaya Tritiya 2023 Lucky Zodiac అక్షయ తృతీయ వేళ ఏర్పడే గొప్ప యోగాల వల్ల ఈ 5 రాశులకు తిరుగనేదే ఉండదట..
అక్షయ తృతీయ తిథి ఎప్పుడంటే..
తెలుగు పంచాంగం ప్రకారం, ఈ ఏడాది వైశాఖ మాసంలోని శుక్ల పక్షంలో తదియ తిథి ఏప్రిల్ 22వ తేదీ శనివారం ఉదయం 7:48 గంటలకు ప్రారంభమవుతుంది. ఆ తర్వాతి రోజు అంటే 23 ఏప్రిల్ 2023 ఆదివారం రోజున ఉదయం 7:46 గంటలకు ముగుస్తుంది.
గురుడు అస్తమించినందునే..
జ్యోతిష్యశాస్త్రం ప్రకారం, గురుడు ఉదయించినప్పుడు మాత్రమే శుభకార్యాలు నిర్వహించాలనే నియమం ఉంది. అయితే మార్చి 31వ తేదీనే గురుడు మీనంలో అస్తమించాడు. అంటే అక్షయ తృతీయ రోజున గురుడు అస్తమించే ఉంటాడు. ఆ తర్వాత ఏప్రిల్ 29వ తేదీన ఉదయించనున్నాడు. అందుకే ఈసారి అక్షయ తృతీయ రోజున వివాహం చేసుకోవడానికి సమయం అనుకూలంగా లేదని పండితులు చెబుతున్నారు. అయితే పెళ్లి చేసుకోవాలనుకునే వారు గురు గ్రహం ఉదయించిన తర్వాత అంటే ఏప్రిల్ 29వ తేదీ ముగిశాక చేసుకోవచ్చు.
విశేష ప్రయోజనాల కోసం..
అక్షయ తృతీయ రోజున ‘ఓం గౌరీ శంకరాయ నమః’ అనే మంత్రాన్ని జపించాలి. ఇలా చేయడం వల్ల మీకు అద్భుతమైన ప్రయోజనాలు కలుగుతాయి. అలాగే శివలింగానికి జలాభిషేకం చేసే సమయంలో ‘ఓం నమః శివాయ’ అనే మంత్రాన్ని 108 సార్లు జపించాలి. ఈ మంత్రాలను అక్షయ తృతీయ రోజున పఠించడం వల్ల విశేష ఫలితాలొస్తాయి.
అక్ష్యయ పుణ్యం లభిస్తుంది..
* అక్షయ తృతీయ రోజున లక్ష్మీదేవితో పాటు శ్రీ మహా విష్ణువును పూజించాలి. ఇలా చేయడం వల్ల అక్షయ పుణ్యం లభిస్తుంది.
* అక్షయ తృతీయ రోజున కొత్త వాహనం కొంటే అదృష్టం పెరుగుతుందని నమ్ముతారు.
* అక్షయ తృతీయ నాడు మీ సామర్థ్యం మేరకు దానధర్మాలు చేయాలి. అలాగే ఉప్పు, పంచదార, నెయ్యి, బియ్యం, కూరగాయలు, బట్టలు, ఫ్యాన్ వంటివి దానం చేస్తే శుభ ఫలితాలొస్తాయి.
గమనిక : ఇక్కడ అందించిన సమాచారం, పరిహారాలన్నీ మత విశ్వాసాలపై ఆధారపడి ఉన్నాయి. ఇవి కేవలం ఊహాల ఆధారంగా ఇవ్వబడింది. దీనికి సంబంధించి ఎలాంటి శాస్త్రీయ ఆధారాలు లేవు. ఈ సమాచారాన్ని మీరు పరిగణనలోకి తీసుకునేందుకు సంబంధిత నిపుణులను సంప్రదించి పూర్తి వివరాలను తెలుసుకోగలరు. పై సమాచారాన్ని ‘‘సమయం తెలుగు’’ దృవీకరించడం లేదు.
Read Latest Religion News and Telugu News