ఇంట్లో అక్వేరియం ఉంటే అదృష్టం కానీ.....

ఇంట్లో అక్వేరియం ఉంటే శుభం జరగడమే కాకుండా అదృష్టం కూడా కలిసొస్తుందని నమ్ముతారు. వాస్తు ప్రకారం దీన్ని సరైన స్థానంలో ఉంచితే ఒత్తిడి తగ్గి ఇంట్లో ప్రశాంతమైన వాతావరణం నెలకుంటుంది. ఇంట్లో నీటి ట్యాంకులను ఏర్పాటు చేసేటప్పుడు వాస్తు నియమాలు పాటించకపోతే దోషం కలుగుతుంది. అలాగే అక్వేరియం విషయంలోనూ సరైన దిశలో ఉంచకపోతే వాస్తు దోషం వెంటాడుతుంది.

పురాతన ఫెంగ్ షు సాహిత్యంలో అక్వేరియం ప్రాముఖ్యత గురించి పేర్కొన్నారు. దీని వల్ల ఇంట్లో అనుకూల వాతావరణంతోపాటు పరిసరాల్లో ప్రశాంతతను సృష్టిస్తుంది. పెద్ద అక్వేరియంను ఇంద్రప్రస్థ ప్రదేశంలో పాండవులు ఉంచినట్లు మహాభారతంలో తెలియజేశారు. అలాగే అర్జునుడు స్వయంవరంలో మత్స్య యంత్రాన్ని ఛేదించి ద్రౌపదిని వరించాడు.

అక్వేరియంలో నల్ల చేపలు ఉంటే ఇంట్లోని నెగెటివ్ ఎనర్జీని తగ్గిస్తాయి. ఒకవేళ ఇది మరణిస్తే దుశ్శకునానికి సంకేతం.

అక్వేరియం మెయిన్ గేట్‌కు ఎడమవైపున తోటలోగానీ, వాకిట్లోగానీ ఉంచాలి.

అక్వేరియంలో ఆరోగ్యకరమై, చురుకైన చేపలుంటే ఆరోగ్యంతోపాటు సంపద సమృద్ధిగా లభిస్తుంది.

ఇంటికి తూర్పు- దక్షిణ దిశలో ఫిష్ ట్యాంక్ ఉంచితే ధీర్ఘాలోచనలను నియంత్రిస్తుంది. దీని వల్ల ప్రతికూల ఒత్తిడి దూరమవుతుంది.

ఒకవేళ అక్వేరియంలో చేప చనిపోతే దాన్ని బయటకు తీసేయాలి. దాని స్థానంలో అదే రంగున్న చేపను మళ్లీ వేయాలి.

తరచూ అక్వేరియం శుభ్రం చేస్తూ ఉండాలి. దీని వల్ల చేపలు ఆరోగ్యంగా ఉంటాయి.