ముని స్నానం..
తెల్లవారుజామున 4 నుంచి 5 గంటల మధ్య స్నానం చేయడాన్ని మునిస్నానం లేదా సాధువుల అభ్యంగనం అంటారు. స్నానం చేయడానికి అత్యంత అనుకూలంగా ఉండే వేళలో ఇదొకటి. ఈ సమయంలో స్నానం చేయడం వల్ల మీకు ఆనందం, మంచి ఆరోగ్యం, వ్యాధుల నుంచి ఉపశమనం, రోగ నిరోధక శక్తి, తెలివితేటలు, ఏకాగ్రత పెరుగుతాయని గ్రంథాలలో పేర్కొనబడింది.
Ayyappa Devotees అయ్యప్ప దీక్షలో ఉండే స్వాములు నల్లని దుస్తులే ఎందుకు ధరిస్తారంటే...
దేవ స్నానం..
ఉదయం 5 నుంచి 6 గంటల మధ్య శరీరాన్ని శుభ్రం చేసుకోవడాన్ని దేవస్నానం లేదా దేవతల స్నానం అంటారు. ఈ సమయంలో స్నానం చేయడం వల్ల మీకు కీర్తి, శ్రేయస్సు, మానసిక ప్రశాంతత, సౌకర్యవంతమైన జీవితం లభిస్తుంది. ఉదయం 6 నుంచి 8 గంటల నుంచి మనుషులు సాధారణంగా చేసే స్నానం చేసే సమయం. ఈ సమయంలో స్నానం చేయడం వల్ల అదృష్టం, ఐక్యత, సంతోషం పెరుగుతాయని ధర్మశాస్త్రంలో వివరించబడింది.
రాక్షస స్నానం..
ఉదయం 8 గంటల తర్వాత స్నానం చేయడాన్ని రాక్షసి స్నానంగా పరిగణిస్తారు. కాబట్టి 8 గంటలలోపు స్నానం చేయండి.. అలా కుదరకపోతే సూర్యాస్తమయానికి ముందు స్నానం చేయాలి. శాస్త్రాల ప్రకారం, ఉదయం 8 గంటల తర్వాత స్నానం చేస్తే కష్టాలు పెరుగుతాయి. ఆర్థిక పరంగా నష్టాలు పెరిగి, పేదరికానికి దారి తీసే అవకాశం ఉంటుంది.
పురుషులు పాటించాల్సిన నియమాలు..
శాస్త్రాల ప్రకారం, పురుషులు ప్రతిరోజూ తలస్నానం చేయొచ్చు. అయితే అలా కుదరని వారు బుధవారం తప్పనిసరిగా తలస్నానం చేయాలి. మగవారు స్నానం చేసే సమయంలో నగ్నంగా ఉండకూడదు. ఒంటిమీద కనీసం ఏదైనా బట్ట ఉండేలా చూసుకోవాలి.
ఎందుకంటే వేదాల ప్రకారం నీటిలో అగ్ని దేవుడు ఉంటాడు. కాబట్టి నగ్నంగా స్నానం చేస్తే అగ్ని దేవుడికి కోపం వచ్చి, మిమ్మల్ని ఇబ్బందుల పాటు చేస్తాడు. మరోవైపు స్నానం చేసిన తర్వాత చాలా మంది మగాళ్లు శరీరాన్నంత టవల్ తో శుభ్రం చేసుకుని, దాన్ని నడుముకు చుట్టుకుంటూ ఉంటారు. అయితే అలా చేయడం వల్ల దరిద్రం పెరిగే అవకాశం ఉంటుంది. కాబట్టి స్నానం చేసిన తర్వాత కట్టుకునే వస్త్రం పొడిగా ఉండేలా చూసుకోవాలి. లేదంటే మీరు తుడుచుకున్న టవల్ పూర్తి పిండేసి కట్టుకోవాలి. లేకపోతే పూర్తిగా తడిగా ఉండే వస్త్రాన్ని కట్టుకోవచ్చు.
స్త్రీలు పాటించాల్సిన నియమాలు..
శాస్త్రాల ప్రకారం స్త్రీలు ప్రతిరోజూ తలస్నానం చేయాల్సిన అవసరం లేదు. అయితే బుధవారం రోజున తలస్నానం చేయొచ్చు. మీ ఇంటి నియమం ప్రకారం శుక్రవారం కూడా తలస్నానం చేయొచ్చు. ఒకవేళ టవల్ కట్టుకుని స్నానం చేస్తే దాన్ని కింద నుంచి తీయకుండా.. కేవలం పైనుంచి మాత్రమే తీయాలి. అందుకే ఏదైనా శుభకార్యాలు చేసేటప్పుడు కూడా పైనుంచి మాత్రమే వస్త్రాలను తీస్తారు. అలాగే మీరు స్నానం చేసే బాత్ రూమ్ ను కూడా శుభ్రంగా ఉంచుకోవాలి. ఇలా చేయడం వల్ల శని దేవుడికి, అంగారకుడి ఆగ్రహానికి గురవుతారట. దీంతో మీకు ప్రతికూల ఫలితాలు ఎదురవుతాయి. అలాగే స్నానం చేసిన తర్వాత బకెట్లో నీటిని మిగల్చకుండా ఖాళీ చేస్తుంటారు. అలా చేయకుండా స్నానం ముగిసిన తర్వాత బకెట్లో కొంత నీరు నింపి పెట్టాలి లేదా ఖాళీ బకెట్ ను తలకిందులుగా (బోర్లా) ఉంచాలి.
గమనిక : ఇక్కడ అందించిన సమాచారం, పరిహారాలన్నీ మత విశ్వాసాలపై ఆధారపడి ఉన్నాయి. ఇవి కేవలం ఊహాల ఆధారంగా ఇవ్వబడింది. దీనికి సంబంధించి ఎలాంటి శాస్త్రీయ ఆధారాలు లేవు.
- Read Latest Religion News and Telugu News