నేత్రపర్వంగా తులసీదామోదర కల్యాణోత్సవం

భక్తి టీవీ ఆధ్వర్యంలో హైదరాబాద్‌లోని ఎన్టీఆర్ స్టేడియంలో నిర్వహిస్తున్న ‘కోటి దీపోత్సవం’లో నగర వాసులు అశేషంగా పాల్గొని భక్తి పారవశ్యంతో శివుణ్ని ఆరాధిస్తున్నారు. ఏడో రోజు (శుక్రవారం) తులసీదామోదర కల్యాణోత్సవం, పల్లకీ సేవ నేత్రపర్వంగా జరిగింది. డాక్టర్ ఎన్. అనంత లక్ష్మి ప్రవచనంతో ప్రారంభమైన ఈ కార్యక్రమంలో పీవీ చలపతిరావు బృందం భక్తి గీతాలు, రూపా గంగాధర్ బృందం మణిపురి నృత్యం భక్తులను ఆకట్టుకున్నాయి.

కార్యక్రమంలో భాగంగా వేద పండితులు క్షీరాబ్ది ద్వాదశి తులసీనారాయణ పూజ, కోటి తులసి అర్చన నిర్వహించారు. ఏడో రోజు ముఖ్య అతిథులుగా సాధ్వి ప్రాచీ (విశ్వహిందూపరిషత్), శ్రీ చంద్రకాళీ ప్రసాద మాతాజీ, సాధ్వీ అనాది సరస్వతి, శ్రీ ఆత్మానందమయీ మాతాజీ, మాతా శివచైతన్య పాల్గొని శివునికి దీపారాధన చేసారు. కార్యక్రమంలో భక్తి టీవీ చైర్మన్ నరేంద్ర చౌదరి పాల్గొన్నారు.