కోటి దీపోత్సవంలో విశిష్ట అతిథులు

భక్తి టీవీ ఆధ్వర్యంలో హైదరాబాద్‌లోని ఎన్టీఆర్ స్టేడియంలో నిర్వహిస్తున్న ఆధ్యాత్మిక కార్యక్రమం కోటి దీపోత్సవం మూడో రోజు విశిష్ట అతిథులు మధ్య ఘనంగా జరిగింది. సోమవారం రాత్రి జరిగిన దీపారాధనకు కంచి కామకోఠి పీఠాధిపతి శ్రీశ్రీ జయేంద్ర సరస్వతి స్వామీతో పాటు విజయేంద్ర సరస్వతీ స్వామి, జస్టిస్ ఎల్. నరసింహారెడ్డి, ప్రముఖ వ్యాపారవేత్త, జీఎంఆర్ గ్రూప్ చైర్మన్ గ్రంధి మల్లికార్జునరావు పాల్గొన్నారు. ఈ సందర్భంగా భక్తులనుద్దేశించి జయేంద్ర సరస్వతి ప్రసంగించారు. ఆధ్యాత్మిక బోధన చేశారు. కార్యక్రమంలో భక్తి టీవీ చైర్మన్ నరేంద్ర చౌదరి, ఇతర ప్రముఖులు పాల్గొన్నారు. వేలాదిగా హాజరైన భక్తులు దీపాలతో శివుడికి పూజలు చేశారు.