మే 1న శ్రీశ్రీశ్రీ గురు విశ్వస్ఫూర్తి జన్మదిన వేడుకలు

ఆధ్యాత్మిక విశ్వగురువు సైంటిఫిక్ సెయింట్ శ్రీశ్రీశ్రీ గురు విశ్వస్ఫూర్తి 78వ జన్మదిన వేడుకలను మంగళవారం నిర్వహించనున్నారు. హైదరాబాద్ నగరంలోని బండ్లగూడ జాగీర్, స్ఫూర్తి నగర్‌లో ఉన్న ‘విశ్వ చైతన్య వేదిక’లో ఈ వేడుకలను నిర్వహిస్తారు. ఉదయం 9 గంటల నుంచి మధ్యాహ్నం మహాప్రసాదం వరకు ఈ వేడుకలు జరుగుతాయి. శ్రీ శ్రీ శ్రీ గురు విశ్వస్ఫూర్తి గురు దేవుల ప్రసంగంతో ఈ వేడుకలను ప్రారంభిస్తారు. అనంతరం సామూహిక ధ్యానం ఉంటుంది.

జన్మదిన వేడుకల్లో భాగంగా ఉచిత వైద్య శిబిరాన్ని నిర్వహించనున్నారు. పుస్తక ప్రదర్శనతోపాటు పేదలకు వస్త్రాలను దానం చేస్తారు. అనంతరం సాంస్కృతిక కార్యక్రమాలను నిర్వహిస్తామని సైన్స్ యూనివర్స్ అధ్యక్షులు ఎస్. రాజేంద్ర తెలిపారు. ఈ కార్యక్రమాల్లో పాల్గొని గురుదేవుల ఆశీర్వాదం పొందాలని ఆయన కోరారు.