చాణక్య నీతి: ఈ విషయాలు ఇతరులకు చెబితే జీవితంలో...

తన రాజనీతితో మౌర్య సామ్రాజ్య కీర్తిని దిగంతాలకు తీసుకువెళ్లిన ఘనత చాణక్యుడిది. చంద్రగుప్త మౌర్యుని అస్థానంలో యుద్ధ, రాజకీయ వ్యూహాలు రాయబారిగానూ, అంతరింగిక, ముఖ్య సలహాదారుగానూ ఆయన వ్యవహరించారు. కేవలం రాజనీతి విషయాలే కాదు కుటుంబం, భార్యభర్తల మధ్య అనుబంధం లాంటి అంశాల్లో కూడా అపారమైన ఙ్ఞానాన్ని అందించారు.

అప్పట్లో చాణక్యుడు తెలిపిన విషయాలు నేటి సమాజానికి ఎంతగానో ఉపయోగపడుతున్నాయి. జీవితంలో విజయం సాధించాలంటే కొన్ని అంశాలను మన మనసులో ఉంచుకోవాలని, వీటిని ఎక్కడా ఎవ్వరికీ చెప్పరాదని చాణక్యుడు పేర్కొన్నాడు. ఇలా చేస్తే కోరి ఓటమి కొని తెచ్చుకోక తప్పదని హెచ్చరించారు. అంతే కాకుండా దీని వల్ల హాని జరగడమే కాదు, దీర్ఘకాలిక ఇబ్బందుల్లో కూరుకుపోతారని తెలిపారు.

1. డబ్బుకు సంబంధించిన విషయాలను ఎవరితోనూ చర్చించకూడదట. దీని వల్ల దురదృష్టకర సంఘటన ఎదురయ్యే ప్రమాదం ఉందట. అలాగే కొన్ని సందర్భాల్లో సహచరులు కూడా మీ నుంచి ఆశించే అవకాశం ఉందట.

2. ఆచార్యులు, గురువులు ఉపదేశించిన మంత్రాన్ని ఎవరికీ చెప్పరాదట. పవిత్రమైన ఈ మంత్రాలను ఇతరులకు తెలిపితే వాటితో మీ గౌరవం పోతుందట.

3. కుటుంబ సభ్యుల మధ్య తలెత్తిన గొడవలు గురించి బయటవారితో చర్చించరాదట. ఈ సమస్యలు ప్రతి కుటుంబంలోనూ ఉంటాయి. కొన్ని సందర్భాల్లో బయటి వ్యక్తులు వీటిని అలుసగా తీసుకుని మీ పట్ల అమర్యదగా ప్రవర్తిస్తారట.

4. ఇతరులకు ఇచ్చే బహుమతులు, కానుకలు, ధన సహాయాలను రహస్యంగా ఉంచాలట. వీటిని భగవంతునికి సమర్పించినట్లే భావించాలట.

5. వయసు విషయంలో ఎప్పుడూ నిజం చెప్పకూడదట. సామర్థ్యానికి వయసుతో సంబంధం లేదు. ఉత్సాహమైన మనసుకు వయసు అడ్డంకి కాదు. మీ మెదడు అద్భుతంగా ఆలోచించగలదు, అలాగే మీరు చేసే పనులు కూడా ఫలప్రదమవుతాయి.

6. శృంగార‌ జీవితం గురించి కూడా రహస్యాన్ని పాటించాలట. మీతో లైంగిక సహజీవనం చేసేవాళ్లు కేవలం మీకు మాత్రమే సొంతం. ఇతరులు వీరి గురించి ఆలోచించే అవకాశం ఇవ్వకండి. ఇది కేవలం వ్యక్తిగతమైంది మాత్రమే.

7. అధికార దుర్వినియోగానికి కూడా పాల్పడకండి. మీరు ఉద్యోగరీత్యా ఉన్నతస్థానంలో ఉన్నప్పుడు ఎలాంటి స్వలాభం కోసం ఆలోచించకూడదు. దీని వల్ల ఇతరులు మీపై అసూయతో దాన్ని ఆక్రమించే అవకాశం ఉంది.

8. ఆరోగ్యానికి సంబంధించిన గతం లేదా వర్తమాన విషయాలను ఇతరులతోనూ చర్చించకూడదట. దీన్ని అవకాశంగా తీసుకుని మిమ్మల్ని ప్రమాదంలో పడేయవచ్చు.

9. ఎవరికైనా సంధు దొరికితే చాలు ఇతరులను పరహాసించడంలో ముందుంటారు. అలాగే మిమ్మల్ని మీరు కించపరచుకోరాదు. ఎదుటివారికి కూడా ఆ అవకాశం ఇవ్వరాదు.