ఆధ్యాత్మిక చింతనతో సైన్స్ ముడిపడి ఉందా?

శాస్త్ర సాంకేతిక రంగాలతో మానవులకు అనేక ప్రయోజనాలు కలుగుతున్నాయి. అయితే వీటిని సరైన విధానంలో సమర్థవంతంగా వినియోగించుకుంటే ఎలాంటి సమస్య ఉండదు. లేకపోతే వినాశం తప్పదు. కానీ ఉపయోగించేవారి మనసులోని ఆలోచనల బట్టి ఇది ఆధారపడి ఉంటుంది. దీనికి కత్తే చిన్న ఉదాహరణ. ఓ హంతకుడు కత్తిని ఉపయోగించి హత్యలు చేస్తాడు. ఇదే కత్తిని ఓ దొంగ విధ్వంసానికి ఉపయోగిస్తాడు. అదే శస్త్రచికిత్స నిపుణుడు దీన్ని ఉపయోగించి ఓ వ్యక్తి ప్రాణాన్ని కాపాడతాడు. కాబట్టి కత్తి మంచిదా లేదా చెడ్డదా అనే ప్రశ్న మీ మదిలో మెదులుతుంది.

కత్తి చెడ్డదే అనుకుందాం దాన్ని పట్టుకున్న వ్యక్తి ఆలోచనపై ఆధారపడి ఉంటుంది లేదా మంచిదే అనుకుంటే అది కూడా ఆవ్యక్తి ఆలోచనలోనే ఉంటుంది. ఈ ప్రపంచంలో ప్రతీ అంశానికి ఓ మార్గం ఉంది. ఙ్ఙాన‌ం, కీర్తి, బలం, సైన్స్ అండ్ టెక్నాలజీ విపరీతమై శక్తి కలిగినవి. కానీ దురాశతో సైన్స్ అండ్ టెక్నాలజీని ఉపయోగిస్తే పర్యావరణం కలుషితమవుతుంది. దీంతో భారీ మూల్యం చెల్లించుకోక తప్పదు. దీని ప్రభావం ఇతర జీవరాసులతోపాటు మానవులపై కూడా ఉంటుంది. అదే ఆరోగ్యం, శ్రేయస్సు, జ్ఞానాన్ని పెంపొందిండానికి ఉపయోగిస్తే ఎంతో మేలు జరుగుతుంది.

కాబట్టి సైన్స్ అండ్ టెక్నాలజీ ముఖ్యంగా విశ్వజనీన ఆధ్యాత్మిక సూత్రాలు, సుగుణాలతోపాటు ప్రపంచ లోని గొప్ప విలువ కలిగి ఉంటుంది. విలువలు, సుగుణాలు, జాలి, దయ, విశ్వవిద్యాలయాల్లో శాస్త్ర, సాంకేతిక విభాగాలను అభ్యసించే విద్యార్థుల హృదయాల్లో ఉండాలి. సమస్యలో ఒక భాగం లేదా ఒక అద్భుతమైన సంపూర్ణ పరిష్కారంలో ఒక భాగంగా ఉండాలనుకుంటున్నారో తమను తామే ప్రశ్నించుకోవాలి. ఇది కేవలం ధ్యానం ద్వారా మాత్రమే సాధ్యమవుతుంది. కాబట్టి ధ్యాన సాధనకు వీరు కృషిచేయాలి. దీనికోసం దైవ నామాన్ని స్మరిస్తూ లేదా మంత్రాలు, పూజ, సేవలు ద్వారా సాధన చేయాలి. ఇవన్నీ మనలోని లోతైన జ్ఞానాన్నివెలికితీయడానికి మార్గాలు. ఇదే మనకు నిజమైన అవకాశాలు కలిగిస్తుంది.

మెదడు, శరీర కణాల్లో సానుకూల భావాలను కలిగించడంలో ధ్యానం సహకరిస్తుందని అనేక వైద్య, శాస్త్ర పరిశోధనల్లో రుజువైంది. హరే కృష్ణ మంత్రాన్ని జపించడం ద్వారా మెదడు, శరీరంలో కణాల్లో సానుకూల ప్రభావం కలిగి ఆలోచన విధానాన్నే మార్చేస్తుందని అధ్యయనాల్లో తేలింది. సైన్స్ అందంగా ఉంటే మనం కూడా అందంగా ఉంటాం, అది అందంగా లేకపోతే మనమూ అందంగా ఉండలేం. కాబట్టి ఈ ప్రపంచంలో గొప్ప విషయాల సాధించడానికి సంపూర్ణ విద్యే సరైన ఉపకరణం. సుగుణాలు, విలువలు, వినయ విధేయతలు, కృతజ్ఞత భావంతో జీవించే విషయాల గురించి మీకు తెలిసినవాటిని ఇతరులకు తెలియజేయడానికి ప్రయత్నించాలి.