Chaitra Navratri 2023 ఛైత్ర నవరాత్రుల వేళ కొత్త వాహనం కొనాలనుకుంటున్నారా... 9 రోజుల్లో ఏ రోజు మంచిదంటే...

Chaitra Navratri 2023 ఈ నెలలో మరికొన్ని రోజుల్లో ఛైత్ర నవరాత్రులు ప్రారంభం కానున్నాయి. మార్చి 22వ తేదీ బుధవారం నుంచి ఉగాది పండుగ రోజు నుంచి ప్రారంభమయ్యే నవరాత్రుల వేళ దుర్గామతను ఒక్కో రోజు ఒక్కో రూపంలో అలంకరించి పూజిస్తారు. ఈ పవిత్రమైన రోజుల్లో ఉపవాస వ్రతాన్ని ఆచరిస్తారు. ఈ సమయంలో ఏదైనా కొత్త పనిని ప్రారంభిస్తే కచ్చితంగా విజయవంతం అవుతుందని చాలా మంది నమ్ముతారు. ఎందుకంటే ఈ కాలంలో దుర్గా మాత భూలోకానికి వచ్చి భక్తులకు దర్శనమిస్తుందని పురాణాల్లో పేర్కొనబడింది. ఇదిలా ఉండగా.. ఈ నవరాత్రుల శుభ సమయంలో ఏదైనా కొత్త వాహనం కొనాలని లేదా ఇంకేదైనా ఖరీదైన వస్తువులను కొనాలని ప్లాన్ చేస్తున్నారా.. అయితే ఈ తొమ్మిది రోజుల్లో శుభ ముహుర్తాలెప్పుడొచ్చాయి.. ఏ సమయంలో షాపింగ్ చేయొచ్చనే వివరాలను ఇప్పుడు తెలుసుకుందాం...

సాధారణంగా నవరాత్రుల వేళ ఎవ్వరూ షాపింగ్ చేయడానికి ఆసక్తి చూపరు. అంతేకాదు కొత్త వాహనాలను కొనుగోలు చేయరు. అయితే ఈ ఛైత్ర నవరాత్రుల్లో కొత్త కారు లేదా కొత్త బైకుతో పాటు ఇతర వస్తువులను కొనేందుకు కొన్ని రోజులున్నాయి.

మార్చి 24వ తేదీన అర్ధరాత్రి 1:22 గంటల నుంచి రవి యోగం ప్రారంభం కానుంది. అదే సమయంలో అశ్వినీ నక్షత్ర ప్రభావం ఉంటుంది. చంద్రుడు మేషరాశిలో సంచారం చేసే ఈ శుభ సమయంలో కొత్త వాహనం కొనుగోలు చేస్తే శుభప్రదమైన ఫలితాలొస్తాయి.

Teertham in Temples గుడిలో తీర్థం ఎలా తీసుకోవాలి... తీర్థాన్ని తీసుకునేటప్పుడు ఎలాంటి నియమాలను పాటించాలంటే...

మార్చి 27వ తేదీ సర్వార్ధ సిద్ధి యోగం, అమృత సిద్ధి యోగం వంటి శుభ యోగాలు రానున్నాయి. అంతేకాదు రోహిణి నక్షత్ర ప్రభావం కూడా ఉంటుంది. అదే విధంగా ఆయుష్మాన్ యోగం వంటి శుభ వేళల్లో మీరు కొత్త వాహనాలను కొనొచ్చు. మరోవైపు చంద్రుడు వృషభరాశిలో ఉచ్ఛ స్థితిలో ఉంటాడు. ఇలాంటి సమయంలో వాహనం కొనడం వల్ల ఆహ్లాదకరంగా ఉంటుంది.

మార్చి 30వ తేదీన సర్వార్ధ సిద్ధి యోగంతో పాటు శ్రీరామ నవమి పండుగ కూడా వచ్చింది. ఇదే సమయంలో చంద్రుడు కూడా మిధున రాశిలో సంచారం చేయనున్నాడు. ఇదే రోజున రాత్రి 11:59 గంటల నుంచి మార్చి 31వ తేదీ వరకు గురు పుష్య యోగం ఉంటుంది. ఈ శుభ యోగంలో కొత్త వాహనం కొనడం వల్ల శుభ ఫలితాలొస్తాయి.

ఈ నియమాలు పాటించండి..
* ఛైత్ర నవరాత్రుల్లో ఉపవాసం ఉండే వారు మంచం మీద నిద్రపోకూడదు. కేవలం నేలపై ఏదైనా చాపను లేదా దుప్పటి వేసుకుని నిద్రపోవాలి. అయితే చెక్క మంచాలపై నిద్ర పోవచ్చు.
* ఉపవాసం ఉండే వ్యక్తులు కేవలం పండ్లు మాత్రమే తినాలి.
* ఉపవాసం ఉండే సమయంలో బ్రహ్మచర్యాన్ని పాటించాలి. ఈ సమయంలో మీ మనసులో ఎలాంటి చెడు ఆలోచనలు తీసుకురాకండి. వీలైనంత వరకు కోపం, దురాశ, అనుబంధాలకు దూరంగా ఉండాలి.
* నవరాత్రుల్లో అబద్ధం ఆడకూడదు. ఈ సమయంలో మీ మనసును కొంచెం అదుపులో ఉంచుకోవాలి.

గమనిక : ఇక్కడ అందించిన సమాచారం, పరిహారాలన్నీ మత విశ్వాసాలపై ఆధారపడి ఉన్నాయి. ఇవి కేవలం ఊహాల ఆధారంగా ఇవ్వబడింది. దీనికి సంబంధించి ఎలాంటి శాస్త్రీయ ఆధారాలు లేవు.

Read Latest Religion News and Telugu News