Chanakya Niti ఈ గుణాలు మీలో ఉంటే శత్రువులు మీ జోలికొచ్చేందుకు భయపడిపోతారట...!

Chanakya Niti ప్రస్తుత సమాజంలో ప్రతి ఒక్కరికీ మిత్రులతో పాటు శత్రువులు కూడా ఉంటారు. ఆ శత్రవులు మనపై ఎప్పుడెప్పుడు పై చేయి సాధించాలా.. మనల్ని ఎప్పుడు దెబ్బ కొట్టాలా అని ఏవేవో ప్లాన్లు వేస్తుంటారు. అయితే మనం అప్రమత్తంగా ఏ శత్రువు మనల్ని ఏం చేయలేడు. ఇదిలా ఉండగా.. చాణక్యుడు చెప్పిన కొన్ని లక్షణాలను అలవర్చుకుంటే శత్రువులు మీ ఎదుట నిలబడేందుకు కూడా భయపడతారట. మీ జోలికి రావడానికి వణికిపోతారట. ఎవరైతే తమ ప్రత్యర్థుల చేతిలో తరచుగా ఓడిపోతుంటారో.. అలాంటి వ్యక్తులు తమ లక్షణాలను, ప్రవర్తనను మార్చుకుంటే కచ్చితంగా విజయం సాధిస్తారట. ఈ సందర్భంగా చాణక్య నీతి ప్రకారం, శత్రువులపై ఆధిపత్యం చెలాయించేందుకు ఎలాంటి లక్షణాలు అలవర్చుకోవాలనే ఆసక్తికరమైన విషయాలను ఇప్పుడు తెలుసుకుందాం...

గట్టి ప్రయత్నం..
ఆచార్య చాణక్యుని ప్రకారం ఎవరైతే తమ లక్ష్యం ఎంత పెద్దదైనా.. ఎంత దూరమున్నా.. దాన్ని సాధించడంలో ఎన్ని ఇబ్బందులొచ్చినా వాటన్నింటిని అధిగమిస్తూ.. లక్ష్యాన్ని సాధించేందుకు గట్టిగా ప్రయత్నిస్తారో.. గెలుపుపై నమ్మకం ముందుకు సాగిన వారికి కచ్చితంగా అద్భుతమైన విజయాలు దక్కుతాయి.

సింహంలా వేట..
తమ ప్రత్యర్థులపై ఆధిపత్యం చెలాయించుకునే వారు సింహం ఎలా వేటాడుతుందో అలా పూర్తి ఏకాగ్రతతో ఫోకస్ పెట్టాలి. ఎవరైతే తమ లక్ష్యాన్ని చేరేందుకు దృష్టి మరల్చుతారో వారికి విజయం, అవకాశాలు అనేవే అస్సలు దక్కవట. అంతేకాదు ఇలాంటి వ్యక్తులు నిరంతరం తమ ప్రత్యర్థుల చేతిలో ఓడిపోతుంటారు. కాబట్టి మీరు ఏదైనా సాధించాలంటే జిరో నుండి ప్రారంభించాలి. ముఖ్యంగా ఏకాగ్రతతో నిర్ణయాలు తీసుకోవాలి. సింహం తాను వేటాడే సమయంలో తన శక్తి, సామర్థ్యాలను పూర్తిగా వాడుతుంది. అలాగే మీరు కూడా మీ శక్తి, ధైర్యం, బలాన్ని పూర్తిగా వాడినప్పుడే శత్రువులపై విజయం సాధిస్తారట. మొదట్లోనే బద్ధకం ప్రదర్శిస్తే మీరు వెనుకబడి పోవడం ఖాయమని ఆచార్య చాణక్యుడు తన నీతి శాస్త్రంలో వివరించాడు.

famous shiva temples తెలుగు రాష్ట్రాల్లో కార్తీక మాసంలో తప్పక సందర్శించాల్సిన శివాలయాలివే...!

ఏ చిన్న అవకాశం ఇవ్వొద్దు..
సింహం తన పంజా నుంచి తప్పించుకోవడానికి ఏ చిన్న అవకాశం ఇవ్వదు. అలాగే మీరు మీ లక్ష్యాన్ని సాధించేందుకు ఎలాంటి అవకాశాలను వదులుకోకూడదు. ముఖ్యంగా కోపంలో నిర్ణయాలు తీసుకోవద్దు. ముఖ్యంగా శత్రువులు ఎంత రెచ్చగొట్టినా ప్రశాంతంగా ఉండాలి. కోపంలో నిర్ణయాలు తీసుకుంటే మీకే ఇబ్బందులు ఎదురవుతాయని చెబుతున్నాడు చాణక్యుడు.

ఓర్పుతోనే విజయం..
ఎవరికైతే యుద్ధంలో లేదా లక్ష్యాన్ని సాధించడంలో పరిస్థితులు ప్రతికూలంగా ఎదురవుతాయో.. అలాంటి సమయంలో చాలా సహనంగా వ్యవహరించాలి. ఎట్టి పరిస్థితుల్లో సహనం కోల్పోవద్దు. ముఖ్యంగా శత్రువులు చేసే తప్పులపై నిఘా ఉంచాలి. మీరు ఏ పొరపాటు చేసినా వారికి మీకు బంగారం లాంటి అవకాశమిచ్చినట్టే.

శత్రువును తేలిగ్గా తీసుకోవద్దు..
మీ శత్రువులపై విజయం సాధించాలంటే.. ముందుగా వారి బలం, బలహీనతలను తెలుసుకోవాలి. ముఖ్యంగా వారిని ఎట్టి పరిస్థితుల్లో శత్రువులను తేలిగ్గా భావించొద్దు. వారిని శక్తివంతంగా పరిగణించి మీరు అస్త్రశస్త్రాలను సిద్ధం చేసుకోవాలి. వారిని ఎలాంటి పరిస్థితిలోనైనా ఎదుర్కొనేందుకు సిద్ధంగా ఉండాల. మీరు వేసే ప్లాన్లో ఎవరినీ భాగస్వామిగా చేసుకోవద్దు.. ఎవరినీ నమ్మకండి.

ఒకవేళ మీ శత్రువు మీ కన్నా బలవంతుడైతే.. తనను తెలివితేటలతో ఓడించేందుకు ప్రయత్నించండి. అందుకు తగ్గట్టు నిర్ణయాలు తీసుకోవాలి.

గమనిక : ఇక్కడ అందించిన సమాచారం, పరిహారాలన్నీ మత విశ్వాసాలపై ఆధారపడి ఉన్నాయి. ఇవి కేవలం ఊహాల ఆధారంగా ఇవ్వబడింది. దీనికి సంబంధించి ఎలాంటి శాస్త్రీయ ఆధారాలు లేవు.

Read Latest Religion News and Telugu News