యాప్నగరం

గందరగోళం.. మహాశివరాత్రి 13 న లేదా 14 న?

పండుగల తేదీల విషయంలో పండితుల మధ్య ఏకాభిప్రాయం లేకపోవడంతో భక్తుల్లో గందరగోళం నెలకొంది. ఈ ఏడాది సంక్రాంతి విషయంలోనూ భిన్నాభిప్రాయాలు వ్యక్తమయ్యా

TNN 12 Feb 2018, 11:33 am
పండుగల తేదీల విషయంలో పండితుల మధ్య ఏకాభిప్రాయం లేకపోవడంతో భక్తుల్లో గందరగోళం నెలకొంది. ఈ ఏడాది సంక్రాంతి విషయంలోనూ భిన్నాభిప్రాయాలు వ్యక్తమయ్యాయి. ప్రస్తుతం మహాశివరాత్రి తేదీలపై కూడా సందిగ్ధత ఏర్పడింది. ఎప్పుడు జరుపుకోవాలనే విషయంపై స్పష్టం లేకపోవడంతో భక్తుల్లో అయోమయం చోటుచేసుకుంది. ఒక్కో పండితుడు ఒక్కోలా పేర్కోవడంతో శివరాత్రి వ్రతాన్ని ఎప్పుడు చేపట్టాలనే కోట్లాది మంది భక్తు లుడోలాయమానం ఉన్నారు. కొన్ని ప్రాంతాల్లో మహాశివరాత్రి ఫిబ్రవరి 13 న, మరికొన్ని ప్రాంతాల్లో 14న జరుపుకోడానికి ఏర్పాట్లు చేస్తుండటమే ఇందుకు కారణం. సుప్రసిద్ధ శైవ క్షేత్రాలైన కోటప్పకొండ, అమరావతి, సత్రశాల, గొట్టిపాళ్ల ప్రాంతాల్లో మంగళవారమే శివరాత్రి ఉత్సవాలను నిర్వహించనున్నారు. మరోవైపు పంచారామ శైవక్షేత్రాలైన ద్రాక్షారామం, కుమరామ, క్షీరారామ, సోమారామాల్లో బుధవారం నాడు మహాశివరాత్రి వేడుకులు జరగుతాయి. ఇలా వేర్వేరు తేదీల్లో నిర్వహించడంపై భక్తులు అయోమయానికి గురవుతున్నారు.
Samayam Telugu confusion for the mahashivratri festival dates
గందరగోళం.. మహాశివరాత్రి 13 న లేదా 14 న?


పరమేశ్వరుడు లింగరూపంలో ఉద్భవించిన పర్వదినమే మహాశివరాత్రి. చాంద్రమానాన్ని అనుసరించి మాఘమాసం కృష్ణపక్ష చతుర్దశిని మహాశివరాత్రిగా జరుపుకుంటారు. అయితే చతుర్దశి ఈ నెల 13 నే (మంగళవారం) వస్తుంది కాబట్టి ఆ రోజునే జరుపుకోవాలని కొందరు, 14 న (బుధవారం) తిథి అధిక సమయం ఉంటుంది కాబట్టి ఆ రోజునే పండగ అని మరి కొందరు పండితులు చెబుతున్నారు. లింగోద్భవ పూజలు రాత్రి సమయంలో జరుగుతాయి.. చతుర్థశి మంగళవారం రాత్రికి ఉంది కాబట్టి శివరాత్రి ఆరోజునే చేసుకోవాలని అత్యధికులు చెబుతున్నారు. పంచాంగకర్తల్లో ఏకాభిప్రాయం రాకపోవడంతోనే ఈ పరిస్థితి నెలకొందని భక్తులు వ్యాఖ్యానిస్తున్నారు. గతంలోనూ కృష్ణా పుష్కరాల ప్రారంభం, ఉగాది పండుగ తేదీలపై కూడాపంచాంగకర్తల మధ్య భేదాభిప్రాయాలు తలెత్తాయి.

తరవాత కథనం

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.
తాజా వార్తల అప్డేట్ల కోసం Samayam Telugu ఫేస్‌బుక్పేజీను లైక్ చెయ్యండి.