భాద్రపద శుద్ధ ఏకాదశి రోజు ఇలా చేస్తే...

ఆషాడ శుద్ధ ఏకాదశి రోజున శ్రీమహావిష్ణువు యోగ నిద్రకు ఉపక్రమించి కార్తీక శుద్ధ ఏకాదశి రోజు మేల్కోంటారని పురాణాల్లో తెలిపారు. అందుకే ఈ కాలంలోనే చాతుర్మాస దీక్షను చేపడతారు. ఆషాడం, శ్రావణం, భాద్రపదం, ఆశ్వయుజ మాసాల్లో ఈ దీక్ష సాగుతుంది. యోగ నిద్రలో ఉన్న మహావిష్ణువు భాద్రపద శుక్ల ఏకాదశి నాడు పక్కకు తిరుగుతాడు. అంటే ఇది పరివర్తన. ఈ రోజున శ్రీహరిని పూజించడం వల్ల వ్యక్తుల్లో పరివర్తన చోటుచేసుకోవడమే కాదు, అత్యంత ప్రయోజనం కలుగుతుంది. అవివాహితులకు కూడా శుభవార్తలు వింటారు. వినాయక చవితి నాడు వినాయకుడితోపాటు ఈ ఏకాదశి నాడు శ్రీహరిని పూజిస్తే తీరని కోరికలు నెరవేరతాయని వేదాల్లో పేర్కొన్నారు.

భాద్రపద శుద్ధ ఏకాదశి రోజున శ్రీమహావిష్ణువుకు వసుపు వస్త్రంతోపాటు అరటి పండ్లు నైవేథ్యంగా సమర్పించడం వల్ల మనసులోని కోరికలు నెరవేరతాయి.

కృష్ణావతారంలో ఉన్న శ్రీమహావిష్ణువుకు వెన్న, కలకండ (పటిక బెల్లం) నైవేథ్యంగా పెట్టడం వల్ల మీ అన్ని కోరికలు నెరవేరడానికి సహాయపడుతుంది.

విష్ణువుతోపాటు లక్ష్మీదేవి, వినాయకుడిని పూజిస్తే అదృష్టం మీ వెంట ఉంటుంది.

శంఖం ఊది చిన్ని కృష్ణుడిని ఆహ్వనించి కేసరి, పాలు సమర్పించాలి.

నిరుపేదలకు పసుపు రంగు వస్త్రాలను దానం చేస్తే జీవితంలో ఎదురయ్యే సమస్యలు తొలగిపోతాయి. అసంపూర్తిగా మిగిలిపోయిన పనులు పూర్తవుతాయి.