అనుకోని ప్రమాదాల నుంచి బయటపడాలంటే..

జీవితంలో కొన్నిసార్లు అనుకోని అవాంతరాలు, సమస్యలు ఎదురవుతుంటాయి. అయితే అలాంటి వాటి నుంచి బయటపడే మార్గాలు కూడా ఉంటాయి. ఏదైనా పని ప్రారంభించినపుడుగానీ, ప్రయత్నించినపుడుగానీ ఎదురైన అడ్డంకులను తొలగించుకోడానికి ఈ కింది వాటిని పాటిస్తే వాటి నుంచి సులభంగా బయట పడవచ్చు.

మంగళవారం అభయాంజనేయ దేవాలయానికి వెళ్లి అక్కడ స్వామి చేతికున్న సిందూరాన్ని తీసుకుని ముఖం, చేతులు, హృద‌యానికి పూసుకోవాలి. ఆ తర్వాత ఈ కింది మంత్రాన్ని జపించాలి. 'ఓం అజంనీ సుతాయ విద్మహే వాయు పుత్రాయ దీమహి తన్నో మారుతీ ప్రచోదయాత్' అంటూ 21 సార్లు పఠించాలి.

దూరపు ప్రయాణాలు, తీర్థ యాత్రలకు వెళ్లేటప్పుడు ఊహించని ప్రమాదాల నుంచి బయటపడాలంటే ఓ కొబ్బరికాయ కొట్టి ఆ నీటిని తలపై చల్లుకోవాలి. అంతే కాకుండా ప్రసాదాన్ని ఇతరులకు పంచి తాను కూడా భుజించాలి.

కొత్తగా వాహనాలు కొన్నవారు ప్రమాదాల నుంచి బయట పడటానికి ఎర్రని వస్త్రంలో ఎనిమిది ఖర్జూర ఫలాలను వేసి మూటగట్టి దానికి ఆ వాహనానికి ముందు కట్టాలి. ఇలా చేయడం వల్ల ప్రమాదాల నుంచి తప్పించుకోవచ్చు.