భాద్రపద శుద్ధ చవితి రోజున..
పురాణాల ప్రకారం, కైలాసంలో పార్వతీదేవి రూపొందించిన బాలుడి తలను శివుడు ఖండించాడు. అయితే అప్పుడే బయటికొచ్చిన పార్వతీదేవి ఈ సంఘటన చూసి చాలా బాధపడుతుంది. ఆ బాలుడే తమ బిడ్డే అని తనను ఎలాగైనా బతికించాలని కోరుతుంది. దీంతో తన భక్తుడైన గజరాజు ముఖాన్ని వినాయకుడికి అతికిస్తారు. అంతేకాదు తనకు గజాననుడు అని పేరు కూడా పెడతారు. తన శక్తి సామర్థ్యాలను పరిశీలించి భాద్రపద శుద్ధ చవితి రోజున గణాధిపత్యం అప్పగిస్తాడు. ఆ పవిత్రమైన రోజు బొజ్జ గణపయ్య తనకు భక్తితో సమర్పించిన నైవేద్యాలను బాగా తినడంతో పొట్ట బాగా ముందుకొస్తుంది.
Ganesh Chaturthi 2022 గణేశుని ప్రతిమను ఏ సమయంలో ప్రతిష్టించాలి.. శుభ ముహుర్తెప్పుడో చూసెయ్యండి...
చంద్రుడికి శాపం..
అనంతరం కైలాసంలో తన పొట్టతో నడిచేందుకు బాగా ఇబ్బంది పడతాడు. ఓ సందర్భంలో తన పొట్ట పగిలి ఉండ్రాళ్లు, కుడుములు, పిండివంటలన్నీ బయటికొచ్చేస్తాయి. దీంతో తను కింద పడితపోతాడు. ఇది చూసిన చంద్రుడు ఎగతాళిగా నవ్వుతాడు. తనను చూసి అవమానించినట్టు గమనించిన బొజ్జ గణపయ్య చంద్రుడికి శాపం విధిస్తాడు. చంద్రుడిని వినాయక చవితి రోజున చూసిన వారికి లేని పోని కష్టాలెదురవుతాయని శపిస్తాడు.
చీకట్లోనే ఉండిపోవాలని..
చంద్రుడు తన అందాన్ని చూసి అహంకారంతో గర్వపడుతున్నాడని, అందుకే తను ఎప్పటికీ చీకట్లో ఉంటావని శాపం పెడతాడు. అంతేకాదు గణేష్ చతుర్థి రోజున ఎవరైతే చంద్రుడిని చూస్తారో.. వారు అనవసరంగా నిందలు మోయాల్సి వస్తుందని శాపం పెడతాడు. అందుకే వినాయక చవితి రోజున చంద్రుడిని ఎట్టి పరిస్థితుల్లో కూడా చూడకూడదని పండితులు, పెద్దలు చెబుతారు.
క్షమాపణలు కోరుకున్న చంద్రుడు..
ఆ సమయంలో తన తప్పును తెలుసుకున్న చంద్రుడు తనను క్షమించమని కోరతాడు. దేవతలందరూ కూడా వినాయకుడిని శాంతించాలని కోరగా.. అప్పటినుంచి నెలలో నీవు కేవలం ఒకసారే పూర్తి రూపంలో దర్శనమిస్తావని చెబుతాడు.
సైంటిఫిక్ రీజన్ ఇలా..!
హిందూ క్యాలెండర్ ప్రకారం, గణేష్ చతుర్థి పండుగను ఆరో మాసంలో జరుపుకుంటాం. అంటే ప్రతి ఏటా ఆగస్టు లేదా సెప్టెంబర్ నెలలో ఈ ఉత్సాలను నిర్వహిస్తారు. అయితే వినాయక చవితి రోజున చంద్రకాలంగా పేర్కొంటారు. ఈ సమయంలో భూమి, సూర్యుడు వివిధ కోణాల్లో ఉంటారు. ఈ కాలంలో భూమిపై పడిన చంద్రుని కాంతి ప్రతికూల ప్రభావం చూపుతుంది. దీంతో మన హెల్త్ పై ఎఫెక్ట్ పడే ఛాన్స్ ఉంటుందని నిపుణులు వివరించారు.
ఒకవేళ చంద్రుడిని చూస్తే..
వినాయక చవితి రోజున ఎవరైనా పొరపాటున చంద్రుడిని చూస్తే ఈ పరిహారాలను పాటిస్తే దోషం నుండి తప్పించుకోవచ్చు. ఈ పవిత్రమైన పర్వదినాన ముందుగా గణపతిని పూజించి నైవేద్యం సమర్పించి చంద్రుడికి చూపించి పేదలకు దానధర్మాలు చేయాలి. అలాగే గణేశుని మంత్రాలను పఠించాలి.