శని మహాదశ నుంచి విముక్తి..
ఈసారి మహా శివరాత్రితో పాటు శని ప్రదోష వ్రతం కూడా రావడం అత్యంత శుభపరిణామంగా పండితులు చెబుతున్నారు. సంతానం కోరుకునే వారు ఈరోజున శని ప్రదోష వ్రతం పాటించి, ఉపవాస వ్రతాన్ని ఆచరించిన వారికి పరమేశ్వరుని అనుగ్రహం తప్పక లభిస్తుంది. మహా శివరాత్రి వేళ నల్ల నువ్వులను నీటిలో వేసి పరమేశ్వరునికి అభిషేకం చేయడం వల్ల శని మహాదశ నుంచి విముక్తి లభిస్తుంది.
Mahashivratri 2023 శివయ్య కలలో ఇలా కనిపిస్తే శత్రువుల పీడ తొలగిపోతుందట...!
సర్వార్ద సిద్ధి యోగం వేళ..
ఈసారి ఫిబ్రవరి 18వ తేదీ శనివారం నాడు మహా శివరాత్రి రోజున సాయంత్రం 5:42 గంటల నుంచి ఫిబ్రవరి 19వ తేదీ సూర్యోదయం వరకు సర్వార్ద సిద్ధి యోగం ఏర్పడనుంది. ఈ యోగం సమయంలో పరమేశ్వరుడిని ఆరాధించడం, ఉపవాసం ఉండటం వల్ల ఉత్తమ ఫలితాలను పొందుతారు. ఈ శుభ యోగంలో ఏదైనా కొత్త పని, వ్యాపారం లేదా కొత్త ఉద్యోగం ప్రారంభించడం వల్ల మంచి ఫలితాలను పొందొచ్చు.
పరమేశ్వరునికి ప్రత్యేక పూజలు..
మహా శివరాత్రి రోజున కుంభరాశిలో సూర్యుడు, శని నివాసం ఉంటారు. జ్యోతిష్యశాస్త్రం ప్రకారం సూర్యుడు, శని తండ్రి కుమారులు అయినప్పటికీ విరోధమైన సంబంధాలను కలిగి ఉంటారు. అయితే ఈ సమయంలో శని తిరోగమన స్థితిలో ఉండటం వల్ల సూర్యుని ప్రభావంతో ఎండ పెరిగే అవకాశం ఉంటుంది. ఈ సమయంలో కెరీర్, ఆర్థిక పరమైన విషయాల్లో శుభ ఫలితాలొస్తాయి. ఈ శుభ యోగంలో పరమేశ్వరుడిని పూజించి, ఉపవాసం ఉండటం వల్ల శని దోషాలన్నీ తొలగిపోతాయి.
హన్స్ రాజ యోగం..
మహా శివరాత్రి వేళ గురువు తన సొంత రాశి అయిన మీనరాశిలో ఉండటం వల్ల హన్స్ రాజ యోగం ఏర్పడనుంది. ఈ సమయంలో కెరీర్ పరంగా ఈ స్థానం చాలా శుభప్రదంగా పరిగణించబడుతుంది. ఈ సమయంలో మీ కెరీర్ కు సంబంధించి మీరు ఏ నిర్ణయం తీసుకున్నా, మంచి ప్రయోజనాలు పొందుతారు. ఈ కాలంలో నిరుద్యోగులు కొత్త ఉద్యోగం కోసం ఎక్కడికైనా వెళ్లిన సమయంలో శివ తాండవ స్తోత్రం పఠించడం వల్ల కచ్చితంగా విజయం సాధిస్తారు.
మాళవ్య శుభ యోగంలో..
మహా శివరాత్రి వేళ గురుడితో పాటు శుక్రుడు మీనరాశిలో నివాసం ఉంటాడు. జ్యోతిష్యశాస్త్రం ప్రకారం, ఈ రెండ గ్రహాలు విరోధ స్వభావాన్ని కలిగి ఉంటాయి. అయితే శుక్రుడు మీనంలో ఉచ్ఛస్థితిలో ఉంటాడు. ఈ కారణంగా మాళవ్య అనే శుభ రాజయోగం ఏర్పడనుంది. ఈ శుభ సమయంలో పరమేశ్వుడిని ఆరాధించడం వల్ల మీ కోరికలన్నీ నెరవేరుతాయి. మీరు ఇప్పటివరకు ఇబ్బందులు ఎదుర్కొనప్పటికీ, పనులన్నీ నెమ్మదిగా పూర్తవుతాయి.
గమనిక : ఇక్కడ అందించిన సమాచారం, పరిహారాలన్నీ మత విశ్వాసాలపై ఆధారపడి ఉన్నాయి. ఇవి కేవలం ఊహాల ఆధారంగా ఇవ్వబడింది. దీనికి సంబంధించి ఎలాంటి శాస్త్రీయ ఆధారాలు లేవు. ఈ సమాచారాన్ని మీరు పరిగణనలోకి తీసుకునేందుకు సంబంధిత నిపుణులను సంప్రదించి పూర్తి వివరాలను తెలుసుకోగలరు. పై సమాచారాన్ని ‘‘సమయం తెలుగు’’ దృవీకరించడం లేదు.
Read Latest Religion News and Telugu News