Makar Sankranti 2023 Dos And Donts On This Auspicious Day In Telugu
Makar Sankranti 2024 సంక్రాంతి వేళ ఏయే పనులు చేయాలి.. ఏయే పనులు చేయకూడదో తెలుసుకోండి...
Makar Sankranti 2024 తెలుగు పంచాంగం ప్రకారం, ఈ ఏడాది 15 జనవరి 2024 సోమవారం రోజున మకర సంక్రాంతి పండుగ వచ్చింది. ఈ పవిత్రమైన పర్వదినాన నువ్వులతో స్నానం చేస్తే విశేష ఫలితాలొస్తాయని చాలా మంది నమ్ముతారు. వీటితో పాటు మరికొన్ని ప్రత్యేక పనులు చేయడం వల్ల శుభ ఫలితాలొస్తాయి. అయితే సంక్రాంతి వేళ కొన్ని పనులను పొరపాటున కూడా చేయకూడదు. ఆ విశేషాలేంటో ఇప్పుడు తెలుసుకుందాం...
Authored byఎస్.వెంకటేష్ | Samayam Telugu9 Jan 2024, 10:56 am
Makar Sankranti 2024 జ్యోతిష్యశాస్త్రం ప్రకారం, సూర్యుడు ధనస్సు రాశి నుంచి మకరంలోకి ప్రవేశించే సమయాన్ని మకర సంక్రాంతి అంటారు. ఈ సరదాల సంక్రాంతి దేశ వ్యాప్తంగా ఘనంగా జరుపుకుంటారు. వివిధ రాష్ట్రాల్లో రకరకాల పేర్లతో ఈ పండుగ సంబురాలను జరుపుకుంటారు. తెలుగు రాష్ట్రాలతో పాటు కర్నాటకలో మకర సంక్రాంతి పేరిట ఈ వేడుకలను జరుపుకుంటారు. తమిళనాడులో పొంగల్, బెంగాల్, అస్సాం రాష్ట్రాల్లో బొగాలి బిహు, గుజరాత్ లో పతంగుల పండుగ(ఉత్తరాయాన్), కేరళలో ‘మాగరవాలక్’ పేరిట సంక్రాంతి సంబురాలను జరుపుకుంటారు. ఎంతో ప్రాముఖ్యత ఉన్న ఈ పండుగ పర్వదినాన కొన్ని పనులను కచ్చితంగా చేయాలి.. మరికొన్ని పనులను పొరపాటన చేయకూడదు.. ఇంతకీ ఆ పనులేంటి.. వాటిని ఎందుకు చేయాలి.. ఎందుకు చేయకూడదనే ఆసక్తికరమైన విషయాలను ఇప్పుడు తెలుసుకుందాం...
పవిత్ర స్నానం..
ఈసారి మకర సంక్రాంతి పండుగ సోమవారం నాడు వచ్చింది. ఈ పవిత్రమైన రోజున పరమేశ్వరుడికి అంకితం ఇవ్వబడింది. కాబట్టి ఈ పండుగ రోజున ప్రవహించే నీటిలో లేదా గంగా నదిలో పవిత్ర స్నానం చేయాలి. ఇది సాధ్యం కానీ వారు ప్రవహించే నీటిని ఓ బాటిల్ తీసుకొచ్చి, మీరు స్నానం చేసే బకెట్లో కొన్ని నీళ్లు వేసుకుని కూడా చేయొచ్చు. ఇలా చేయడం వల్ల సకల పాపాల నుంచి విముక్తి లభిస్తుందని చాలా మంది నమ్ముతారు.
మకర సంక్రాంతి పండుగ రోజున సూర్యోదయం కంటే ముందే స్నానం చేయాలి. ఆ తర్వాత సూర్య దేవునికి నీటితో అర్ఘ్యం సమర్పించాలి. సూర్య దేవుని అనుగ్రహం కావాలనుకుంటే సంధ్యా వేళలో ఎలాంటి ఆహారం తీసుకోకూడదు. అలాగే పరమేశ్వరుడు, శ్రీ మహా విష్ణువు, శని దేవుడు, లక్ష్మీదేవిలను పూజించాలి. అదే విధంగా పూర్వీకుల ఆత్మ శాంతి కోసం తర్పణం సమర్పించాలి. ఇలా చేయడం వల్ల వారి ఆత్మకు శాంతి కలిగి, మీకు శుభ ఫలితాలొస్తాయి.
దాన ధర్మాలు చేయాలి..
మకర సంక్రాంతి రోజున దానధర్మాలు చేయడం వల్ల విశేష ఫలితాలు లభిస్తాయని పండితులు చెబుతారు. ఈ పవిత్రమైన రోజున మీ సామర్థ్యం మేరకు నిరుపేదలకు ఆహారం, దుస్తులు, దుప్పట్లు వంటివి దానం ఇవ్వాలి. వీటితో పాటు నల్ల నువ్వులను, బెల్లం దానం ఇవ్వడం సూర్యదేవుని అనుగ్రహం లభిస్తుంది. అలాగే మీ ఇంట్లో నువ్వులతో తయారు లడ్డూ, నువ్వుల రొట్టెలు, సకినాలను కూడా పేదలకు పంచాలి. బిక్షాటన చేసే వాళ్లను ఏమీ ఇవ్వకుండా తిరిగి పంపకండి. మీ సామర్థ్యం మేరకు మీకు తోచిన సాయం చేయండి.
ఈ పనులు చేయకండి..
మకర సంక్రాంతి వంటి పవిత్రమైన రోజున స్నానం చేశాకే ఏదైనా తినడం లేదా తాగడం వంటివి చేయాలి. పొరపాటున కూడా స్నానం చేయకుండా ఏదీ తీసుకోవద్దు. ఈ పండుగ రోజున మద్యం, మాంసం వంటి పదార్థాలను తీసుకోవద్దు. పొగ తాగడం కూడా చేయొద్దు. అలాగే నిల్వ ఉంచిన ఆహారాన్ని మకర సంక్రాంతి రోజున తీసుకోవద్దు. ఇలా చేయడం వల్ల మీపై ప్రతికూల శక్తులు ప్రభావం చూపే అవకాశం ఉంది. కేవలం సాత్విక ఆహారం మాత్రమే తీసుకోవాలి.
హ్యాపీగా ఉండండి..
మకర సంక్రాంతి వంటి పర్వదినాన ఎవరితోనూ అనవసరంగా వాదనలకు దిగొద్దు.. కోపాన్ని పెంచుకోవద్దు. ఇలా చేయడం వల్ల మీపై ప్రతికూల ప్రభావం పెరుగుతుంది. దీని వల్ల మీ ఎదుగుదలకు అడ్డంకులు ఏర్పడతాయి. కాబట్టి సరదాల సంక్రాంతి రోజున ఎక్కువ సమయం సంతోషంగా గడపండి. ఎవరితోనూ చెడుగా మాట్లాడొద్దు. వీలైనంత మేరకు చాలా ప్రశాంతంగా ఉండాలి. ఇలా చేయడం వల్ల మీరు శుభ ఫలితాలను పొందొచ్చు.
గమనిక : ఇక్కడ అందించిన సమాచారం, పరిహారాలన్నీ మత విశ్వాసాలపై ఆధారపడి ఉన్నాయి. ఇవి కేవలం ఊహాల ఆధారంగా ఇవ్వబడింది. దీనికి సంబంధించి ఎలాంటి శాస్త్రీయ ఆధారాలు లేవు.
ఎస్.వెంకటేష్ సమయం తెలుగులో డిజిటల్ కంటెంట్ ప్రొడ్యూసర్గా పని చేస్తున్నారు. ఇక్కడ ప్రతిరోజూ ఆస్ట్రాలజీ, ఆధ్యాత్మిక రంగాలకు సంబంధించి కొత్త విషయాలను, మిస్టరీలను, ప్రత్యేకమైన సమాచారాన్ని అందిస్తారు. తనకు జర్నలిజంలో 8 ఏళ్లకు పైగా అనుభవం ఉంది. ఇప్పటివరకు ప్రముఖ మీడియా సంస్థల్లో వార్తలు, క్రీడలు, ఫీచర్స్, లైఫ్స్టైల్(జీవన శైలి)కు సంబంధించిన సమాచారాన్ని అందించారు.... మరిన్ని చదవండి
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.