కాత్యాయనీ దేవి ఎవరు?
హిందూ పురాణాల ప్రకారం, దుర్గా దేవికి సంబంధించిన రూపాల్లో కాత్యాయనీ మాతది అత్యంత హింసాత్మక రూపాలలో ఒకటిగా పరిగణించబడుతుంది. మహిషాసురుడు అనే రాక్షసుడిని కాత్యాయని అమ్మవారే వధించారు. అందుకే ఈ అమ్మవారిని మహిషాసురమర్దిని అని పిలుస్తారు. ఈ తల్లి సింహంపై స్వారీ చేస్తుంది. కాత్యాయనీ దేవి అంటే దుష్ట శక్తులను నాశనం చేసే తల్లి అని చాలా మంది నమ్ముతారు.
లలితా త్రిపుర సుందరీ ఎవరు... త్రిపుర అంటే అర్థమేంటో తెలుసా...
కాత్యాయన కుమార్తెగా..
వామన పురాణం ప్రకారం, బ్రహ్మ, విష్ణువు, మహేశ్వరులను సైతం మహిషాసురుడు అనే రాక్షసుడు ముప్పుతిప్పలు పెట్టారు. వారికి చాలా చిరాకు తెప్పించడంతో త్రిమూర్తులందరూ కలిసి కాత్యాయనీ దేవిని సృష్టించారు. తమ కోపాన్ని శక్తి కిరణాల రూపంలో వ్యక్తం చేయడంతో కాత్యాయన మహర్షి ఆశ్రమంలో స్పటికీకరించబడింది. అప్పుడు తను ఈ కిరణాలకు సరైన రూపాన్ని ఇచ్చాడు. అందుకే ఈ దుర్గా మాత రూపాన్ని కాత్యాయనీ దేవి లేదా కాత్యాయన కుమార్తె అని కూడా అంటారు.
ప్రత్యేక నైవేద్యంగా..
మరో కథనం ప్రకారం.. కాత్యాయన మహర్షి దుర్గా దేవికి గొప్ప భక్తుడిగా ఉంటాడు. తన భక్తికి పరశించిపోయిన దుర్గా మాత తన కోరిక మేరకు ఆయనకు కుమార్తెగా జన్మించింది. అంతేకాదు ఈ మాత అందంగా, బలంగా, నైపుణ్యం కలిగిన పోరాట యోధురాలిగా పేరు ప్రఖ్యాతలు గడించింది. నవరాత్రుల్లో ఆరో రోజున కాత్యాయనీ దేవిని పూజించే వారు అమ్మవారికి తేనేను ప్రత్యేకంగా సమర్పించాలి. ఈ తల్లికి ఇష్టమైన రంగు బూడిద రంగు. ఈ రూపంలోనే అమ్మవారు దర్శనమిస్తారు.
కాత్యాయనీ దేవి మంత్రాలు..
ఓం దేవీ కాత్యాయనాయై నమః
చంద్రహాసోజ్జ్వలకార శార్దూలవరవాహన
కాత్యాయనీ శుభం దద్యాద్ దేవీ దానవఘటినీ
యా దేవీ సర్వభూతేషు మా కాత్యాయనీ రూపేణా సంస్థితా
నమస్తస్యె నమస్త్యస్యె నమస్తస్యె నమో నమః
ఈ మంత్రాలను పఠిస్తూ కాత్యాయనీ మాతను ఆరాధిస్తే కచ్చితంగా శుభ ఫలితాలొస్తాయని, మనం తెలిసి, తెలియక చేసిన పొరపాట్లను అమ్మవారు క్షమిస్తారని పండితులు చెబుతారు.
గమనిక : ఇక్కడ అందించిన సమాచారం, పరిహారాలన్నీ మత విశ్వాసాలపై ఆధారపడి ఉన్నాయి. ఇవి కేవలం ఊహాల ఆధారంగా ఇవ్వబడింది. దీనికి సంబంధించి ఎలాంటి శాస్త్రీయ ఆధారాలు లేవు.
- Read Latest Religion News and Telugu News
కాత్యాయనీ దేవి ప్రాముఖ్యత..
జ్యోతిష్యశాస్త్రం ప్రకారం, కాత్యాయనీ మాత గురు గ్రహాన్ని పరిపాలిస్తుంది. గురువు గ్రహాన్ని తెలివితేటలకు, ప్రశాంతతకు ప్రతీకగా భావిస్తారు. అందుకే కాత్యాయనీ దేవిని పూజించే వారికి ప్రతికూల శక్తులన్నీ తొలగిపోతాయని, సకల జన్మల పాపాల నుంచి విముక్తి లభిస్తుందని పండితులు చెబుతారు. మరీ ముఖ్యంగా నవరాత్రుల్లో పెళ్లి కాని కన్యలు తమకు నచ్చిన భర్తను పొందడం కోసం కాత్యాయనీ మాతను పూజిస్తారు. ఈ పవిత్రమైన రోజున ఉపవాసం ఆచారం పాటిస్తారు.