మీకు ఎంత మంది పిల్లలో హస్త రేఖలు చెప్పేస్తాయి!

వివాహం జరిగిన తర్వాత ప్రతి జంట పిల్లల కోసం కలలు కంటారు. కొందరికి త్వరగా సంతానం కలిగితే, మరి కొందరికి ఆలస్యం అవుతుంది. అయితే మీకు ఎంతమంది సంతానమో మీ హస్త రేఖల ద్వారా తెలుసుకోవచ్చు. సంతానానికి, హస్త రేఖలకు సంబంధం ఏంటని అనుకుంటున్నారు. అయితే హస్తసాముద్రికా శాస్త్రం ప్రకారం మన చేతిలోనే సంతాన రేఖలు ఉంటాయి. చిటికెన వేలికి కింద, వివాహ రేఖకు పైన సంతాన రేఖలు ఉంటాయి. హస్తసాముద్రిక జ్యోతిషం ప్రకారం వీటి ద్వారా మీకు ఎంత మంది పిల్లలో చెప్పవచ్చు.
సాముద్రిక శాస్త్రం ప్రకారం అరచేతిలోని చిటికెన వేలి కింద భాగంలో బుధ గ్రహం ఉంటుంది. ఈ గ్రహం మనకు పుట్టుబోయే సంతానం గురించి తెలుపుతుంది.

సంతాన రేఖ ఎలాంటి అడ్డంకులు లేకుండా తిన్నగా ఉంటే పుట్టబోయే పిల్లల జీవితాలు ఎలాంటి ఆటంకం లేకుండా సాగిపోతాయి. అలా కాకుండా అస్తవ్యస్తంగా ఉంటే జీవితంలో ఇబ్బందులు ఎదుర్కొంటారు.

చేతిలో బుధ గ్రహ రేఖ పొడుగ్గా ఉంటే ఎక్కువ మంది అంటే నలుగురు కంటే ఎక్కువ మంది పుడతారు. వీరిలో బాలిక కంటే బాలురే ఎక్కువ ఉంటారట. అలాగే వీళ్లు ఉన్నత విద్యావంతులే కాకుండా సభ్యత గలవారు. ఇంద్ర గ్రహానికి చెందిన రేఖ పొడుగ్గా ఉంటే ఒక్కరు మాత్రమే పుడతారు. పుట్టే బిడ్డ సుగుణాలతోపాటు బాధ్యతయుతమైన వ్యక్తిగానూ వ్యవహరిస్తాడు.

అరచేతిలోని సంతాన రేఖ బలంగా ఉంటే పిల్లల నుంచి తల్లిదండ్రులు ఎక్కువ ప్రేమను పొందుతారు. అలాగే సంతాన రేఖల్లో ఒక్క రేఖ స్పష్టంగా కనబడితే పిల్లల్లోని ఒకరిని మీరు ప్రత్యేకంగా చూస్తారు. వారికి మరింత చేరువవుతారు.

భార్యాభర్తల్లో ఎవరో ఒకరికి అరచేతిలో సంతాన రేఖ లేకపోయినా పిల్లలు ఉండరని అనుకోకూడదు. భార్య లేదా భర్త అరచేతిలో సంతాన రేఖ ఉంటే ఆడపిల్లలు పుడతారు. చేతి రేఖలు కూడా పిల్లల లక్షణాలను తెలుసుకోడానికి సహాయపడతాయి. సంతాన రేఖ విశాలంగా ఉంటే వీరికి మగ బిడ్డ పుట్టే అవకాశం ఉంది. భార్యా లేదా భర్త అరచేతిలో సంతాన రేఖలు ఎవరికి స్పష్టంగా, విశాలంగా ఉంటాయో వారికే పిల్లలు మరింత చేరవవుతారు.

అరచేతిలో రేఖలు బాగా ఇరుకుగానూ, ఒకదానికొకటి సమాంతరంగా సాగితే వీరికి పుట్టేబిడ్డ ఆడపిల్ల అవుతుంది.

సంతాన రేఖలు స్పష్టంగానూ, బలంగానూ ఉంటే పుటే పిల్లలు బలవంతులు, సంపూర్ణ ఆరోగ్యవంతులు.

సంతాన రేఖలో ఒకటి పొడుగ్గా లేదా స్వచ్ఛంగా ఉంటే వీరి పిల్లల్లో ఒకరు తల్లిదండ్రులు, వారి సోదరులకు ప్రియమైనవారుగా ఉంటారు.

భర్త చేతిలో సంతాన రేఖలు స్పష్టంగా కనబడితే ఇలాంటి వాళ్లు గొప్ప తండ్రిగానూ, పిల్లలను అమితంగా ఇష్టపడే వ్యక్తిగానూ ఉంటారు.

అరచేతిలోని సంతాన రేఖలు వంకరగానూ, అడ్డంకులు ఉంటే పుట్టే సంతానం బలహీనంగా ఉంటారు. అంతే కాకుండా ఎదుగుతున్న కాలంలో వైద్యపరమైన సమస్యలను కూడా ఎదుర్కొనే అవకాశం ఉంది.