ఈ ఆరు అంశాలు...21 రోజుల పాటు పాటిస్తే

జీవితంలో ఎదురయ్యే ప్రతి సమస్యకు ఓ పరిష్కారం ఉంటుంది. సమస్యలకు రెండు మూల కారణాలు ఉంటాయి. ఒకటి జీవి కర్మ ఫలితం, రెండోది యాదృచ్ఛికంగా జరిగే తప్పుల ఫలితం. చెడు లేదా మంచి కర్మల ఫలితంగా ఎదుర్కొనే సమస్యలను పరిష్కరించుకోవచ్చు. వీటిలో వాస్తు ప్రధాన పాత్ర పోషిస్తుంది. జీవితంలో కొన్నిసార్లు ఏ పని తలపెట్టినా అనుకూల ఫలితాలు వెల్లడి కావు.

పురాతన సంప్రదాయాలతో జీవితంలో ఎదురయ్యే సమస్యలను పరిష్కరించుకోవచ్చు. వృత్తి, వ్యాపారం, ఆరోగ్యం, కుటుంబం, ప్రేమ, వివాహం సంబంధాల్లో ఎదురయ్యే ఒడిదొడుకులను వస్తు ప్రకారం సరి చేసుకోవచ్చు.

రాత్రి పడుకునేటప్పుడు రాగి పాత్రలో నీరుపోసి మంచం కింద లేదా పక్కన ఉంచాలి. అలాగే ఎర్ర చందనం చెక్కను దిండు కింద పెట్టుకోవాలి. దీని వల్ల కోపం, ఉద్రేకాలు అదుపులో ఉంటాయట.

వెండి పాత్రలో లేదా గిన్నెలో నీరుపోసి పడుకునే మంచం కింద పెట్టుకోవాలి. అలాగే వెండితో తయారు చేసిన వస్తువులను ధరించడం వల్ల శరీరానికి తాకితే అద్భుతమైన ఫలితం ఉంటుందట. దీని వల్ల వ్యక్తుల్లో దృఢ సంకల్పం పెరుగుతుందట.

బంగారం లేదా వెండి ఆభరణాలను దిండు కింద పెట్టుకుంటే జన్మకుండలిలోని దోష నివారణ అవుతుందట. ఇత్తడి చెంబుతో నీళ్లు వేసి మంచం కింద ఉంచితే మంచి ఫలితం ఉంటుందట.

వెండితో చేసిన చేపలను దిండు కింద లేదా పక్కన పెట్టుకోవాలట. అలాగే వెండి పాత్రలో నీళ్లు నింపి ఉంచుకోవాలట. దీని వల్ల అంతులేని అదృష్టం కలుగుతుందట.
ఇనుముతో తయారు చేసిన పాత్రలో నీరు పోసి 21 రోజుల పాటు మంచం కింద ఉంచాలట. అంతే కాకుండా జాతి రత్నమైన నీలమణిని కూడా దిండు కింద పెట్టుకుంటే చెడు దోష నివారణ జరుగుతుందట.