అత్యద్భుతం: హనుమాన్ విగ్రహంపై ప్రొజెక్షన్ మ్యాపింగ్

మైసూర్లోని గణపతి సచ్చిదానంద ఆశ్రమంలో ఏర్పాటు చేసిన 45 అడుగుల ఆంజనేయ స్వామి విగ్రహం భక్తులను విశేషంగా ఆకర్షిస్తోంది. ఈ హనుమాన్ విగ్రహంపై గ్రాఫిక్స్ సాయంతో హనుమాన్ చాలిసాను ప్రొజెక్షన్ మ్యాపింగ్‌ చేస్తుండటం చూపు తిప్పుకోనివ్వడం లేదు. హనుమాన్ చాలిసా ప్లే అవుతుండగా దానికి అనుగుణంగా.. విగ్రహంపై కనిపిస్తోన్న గ్రాఫిక్ దృశ్యాలను భక్తులను కట్టి పడేస్తున్నాయి. సాక్షాత్తూ హనుమంతుడే భువి మీదకు వచ్చాడా అనేట్లుగా విగ్రహంపై కనిపిస్తోన్న ప్రొజెక్షన్‌ను చూసి సందర్శకులు భక్తిపారవశ్యంలో మునిగిపోతున్నారు.

ఆశ్రమంలో ప్రతి శని, ఆదివారాల్లో సాయంత్రం వేళల్లో ఆంజనేయ స్వామి విగ్రహంపై ఈ ఇల్యూమినేషన్ షోను ప్రదర్శిస్తున్నారు. హనుమంతుడి మూర్తిని వీక్షించి తరించేందుకు భక్తులు సుదూర ప్రాంతాల నుంచి కూడా ఇక్కడికి తరలివస్తున్నారు. మణిశంకర్ నేతృత్వంలోని సాంకేతిక బృందం నెలలపాటు కష్టపడి ఈ ప్రొజెక్షన్ మ్యాపింగ్‌ను రూపొందించింది. ప్రపంచంలోనే ఈ తరహా ప్రొజెక్షన్ మ్యాపింగ్ ఇదే మొదటిది కావడం విశేషం.



Read this news in Kannada