భద్ర కాలం అంటే..
హిందూ మత విశ్వాసాల ప్రకారం, భద్ర కాలాన్ని అశుభ సమయంగా భావిస్తారు. పంచాంగంలోని తిథి, నక్షత్రం, వార, యోగ, కరణాలలో ఐదో భాగాన్ని కరణ అంటారు. మన తేదీలోని తొలి అర్ధభాగాన్ని మొదటి కరణమని, రెండో అర్ధ భాగాన్ని రెండో కరణమని అంటారు. ఈ మేరకు ఒక తిథిలో రెండు కరణాలు ఉంటాయి. ఒక తిథిలో విష్టి అనే కరణం వస్తుంది. ఈ కాలాన్నే భద్ర కాలం అంటారు. పురాణాల ప్రకారం, భద్రను శని సోదరిగా పరిగణిస్తారు. అందుకే తనను అశుభానికి సంకేతంగా భావిస్తారు. ఈ కాలంలో ఎలాంటి శుభకార్యాలు జరుపుకోరు. అందుకే ఈ సమయంలో సోదరులకు రాఖీ కట్టకూడదని పండితులు చెబుతున్నారు.
Raksha Bandhan 2023 రాఖీ పండుగ వేళ మీ సోదరికి పొరపాటున కూడా ఈ గిఫ్టులివ్వకండి...!
శ్రావణ పౌర్ణమి రోజున..
హిందూ పురాణాల ప్రకారం, శ్రావణ మాసం పరమేశ్వరునికి అంకితం ఇవ్వబడింది. కాబట్టి ఈ మాసంలోని పౌర్ణమి రోజున పరమేశ్వరునికి ప్రత్యేక పూజలు చేయాలి. ఈశ్వరుడితో పాటు పార్వతీ దేవిని, క్రిష్ణుడిని, ఆంజనేయుడు, చంద్రుడు, విష్ణువు, లక్ష్మీదేవిని కూడా పూజించడం వల్ల శుభ ఫలితాలొస్తాయి.
ఉపవాస దీక్ష..
శ్రావణ పౌర్ణమి రోజున ఉపవాసం ఉండటం చాలా ముఖ్యమైనది. ఉత్తర, మధ్య భారతదేశంలోని మహిళలు తమ కుమారులు, భర్తలు దీర్ఘావుయువుతో జీవించాలని కోరుకుంటూ ఉపవాసం ఉంటారు. దేవుడికి ప్రత్యేక పూజలు కూడా చేస్తారు. మీ సామర్థ్యం మేరకు పేదలకు దానధర్మాలు చేయడం వల్ల మీకు మంచి ఫలితాలొస్తాయి. రక్షా బంధన్ రోజున సోదరులకే కాదు.. కొత్త, పాత వస్తువులను కూడా రాఖీ కట్టొచ్చు. ఉత్తర భారతంలో కొందరు ప్రజలు వాహనాలకు కూడా రాఖీలు కడతారు.
ఈ పనులు చేయకండి..
- రక్షా బంధన్ రోజున అన్నదమ్ములు అస్సలు గొడవ పడకూడదు.
- పౌర్ణమి రోజున భద్ర కాలంలో రాఖీ కట్టకూడదు.
- ఈ సారి పౌర్ణమి వేళ భద్ర కాలంలో ఎలాంటి శుభ కార్యాలను నిర్వహించరాదు.
- ఈ పవిత్రమైన రోజున సోదరీమణులను ఏ విధంగాను బాధించొద్దు.
- రాఖీ కట్టే వేళ తన ముఖం దక్షిణం వైపున అస్సలు ఉండకుండా చూసుకోవాలి.
మీ సోదరికి పదునైన వస్తువులు బహుమతులుగా ఇవ్వొద్దు.
- విరిగిన అక్షింతలు(బియ్యం) లేకుండా చూసుకోవాలి. నలుపు రంగును వాడకండి.
గమనిక : ఇక్కడ అందించిన సమాచారం, పరిహారాలన్నీ, మత విశ్వాసాలపై ఆధారపడి ఉన్నాయి. ఇవి కేవలం ఊహాల ఆధారంగా ఇవ్వబడింది. దీనికి సంబంధించి ఎలాంటి శాస్త్రీయ ఆధారాలు లేవు. ఈ సమాచారాన్ని మీరు పరిగణనలోకి తీసుకునేందుకు సంబంధిత నిపుణులను సంప్రదించి పూర్తి వివరాలను తెలుసుకోగలరు. పై సమాచారాన్ని ‘‘సమయం తెలుగు’’ దృవీకరించడం లేదు.