Rohini Karte 2023 రోహిణి కార్తె కాలంలో రోళ్లు పగిలేంత ఎండలు పెరిగేందుకు గల కారణాలేంటో తెలుసా...

Rohini Karte 2023 జ్యోతిష్యశాస్త్రం ప్రకారం, గ్రహాలకు రాజుగా పరిగణించే సూర్యుడు మే 25వ తేదీన రోహిణి నక్షత్రంలోకి ప్రవేశించాడు. ఇదే నక్షత్రంలో జూన్ 8వ తేదీ వరకు ఉంటాడు. ఈ పక్షం రోజుల పాట ఎండలు మరింత మండిపోతాయి. నాలుగు నెలలుగా వచ్చే వేడి గాలులు ఒక ఎత్తు అయితే.. కేవలం రోహిణి కార్తె సమయంలో మాత్రం నేరుగా రోళ్లు పగిలేంత ఎండలు పెరిగిపోతాయి. ఈ కాలంలో సూర్య భగవానుడు భగ భగ మండిపోతూ ఉంటాడు. ఈ పక్షం రోజుల్లో సూర్యుడి తీవ్రత తీవ్ర స్థాయికి చేరుకుని, కొద్ది కొద్దిగా తగ్గుతూ ఉంటుంది. ఈ సందర్భంగా రోహిణి కార్తె అంటే ఏమిటి.. ఈ కాలంలో సూర్య భగవానుడు ఎందుకని తన ప్రతాపాన్ని చూపుతాడనే ఆసక్తికరమైన విషయాలను ఇప్పుడు తెలుసుకుందాం...
రోహిణి కార్తె అంటే ఏమిటి?
జ్యోతిష్య శాస్త్రం ప్రకారం, నక్షత్రాలు, గ్రహాలను బట్టి పంచాంగాన్ని రూపొందిస్తారు. జాతకాలను తయారు చేస్తారు. ఈ నేపథ్యంలో సూర్యోదయం కాలానికి ఏ నక్షత్రం దగ్గరగా ఉంటే ఆరోజు ఆ నక్షత్రం పేరు పెట్టారు. అదే విధంగా పౌర్ణమి వేళ చంద్రుడికి దగ్గరగా ఏ నక్షత్రం ఉంటే ఆ నెలకు ఆ పేరును నిర్ణయించారు. ఇదిలా ఉండగా తెలుగు వారు మాత్రం ఇవే నక్షత్రాలతో వ్యవసాయ పంచాంగాన్ని రూపొందించుకున్నారు. ఈ నక్షత్రాలను కార్తెలు అని పిలుస్తారు. ఈ లెక్కన సూర్యుడు ఏ నక్షత్రానికి దగ్గరా ఉంటే ఆ కాలానికి కార్తె అని పేరు పెట్టారు. అంటే ఏడాదికి 27 కార్తెలు. అంతేకాదు ఈ కార్తెలను అందరికీ అర్థమయ్యే విధంగా సామెతల రూపంలో రూపొందించారు. అందులో ఒకటే రోహిణి కార్తె.

Trikona Raja Yogam శని ప్రభావంతో ఏర్పడనున్న కేంద్ర త్రికోణ రాజయోగం.. ఈ 5 రాశులకు ఆకస్మిక ధన లాభం...! ఇందులో మీ రాశి ఉందా...
రోళ్లు పగిలేంత ఎండలు..
తెలుగు పంచాంగం ప్రకారం, ఉగాది పండుగ నుంచి సూర్యుడి ప్రభావం పెరుగుతుంది. ఇలా రోజురోజుకు ఎండలు పెరుగుతూ చివరగా రోహిణి కార్తె సమయంలో సూర్యుడు తన ప్రభావాన్ని తీవ్ర స్థాయికి తీసుకెళ్తాడు. అందుకే ఈ కార్తెలో ఎండలు విపరీతంగా మండుతాయనడానికి బదులు రోహిణి కార్తె కాలంలో రోళ్లు పగలుతాయని చెబుతారు. అంటే దీన్ని బట్టి సూర్యుడి ప్రతాపం ఎంత మేరకు ఉంటుందో చెప్పడమే దీని వెనుక ఉన్న కారణం.
ఒక్కో నెలలో ఒక్కో కార్తె..
రోహిణి కార్తెతో వేసవి కాలం పూర్తయిపోతుంది. ఆ తర్వాత వర్షాకాలం ప్రారంభమవుతుంది. ఈ సమయంలో వ్యవసాయంపై ఆధారపడ్డ రైతులు ఏరువాకను ప్రారంభిస్తారు. తమ పంట పొలాల్లో పనులను ముమ్మరం చేస్తారు. ఇలా ఒక్కో మాసంలో ఒక్కో కార్తె వస్తూనే ఉంటుంది. ఒక్కో కార్తెలో ఒక్కో విధమైన వ్యవసాయ పనులు చేస్తారు.
Hindu Marriage Rituals హిందువులు ఒకే గోత్రం వారిని వివాహం చేసుకోరు.. అందుకు గల కారణాలేంటో తెలుసా...
ఎన్ని కార్తెలంటే..
జ్యోతిష్యంలోని 27 నక్షత్రాలనే కార్తెలని అంటారు. అవి వరుసగా 1.అశ్విని, 2.భరణి, 3.కృత్తిక, 4.రోహిణి, 5.మృగశిర, 6.ఆరుద్ర, 7.పునర్వుసు, 8.పుష్యమి, 9.ఆశ్లేష, 10.మఖ, 11.పుబ్బ, 12.ఉత్తర, 13.హస్త, 14.చిత్త, 15.స్వాతి, 16.విశాఖ, 17.అనూరాధ, 18.జ్యేష్ఠ, 19.మూల, 20.పూర్వాషాఢ, 21.ఉత్తరాషాఢ, 22.శ్రావణ, 23.ధనిష్ఠ, 24.శతభిషా, 25.పూర్వాభాద్ర, 26.ఉత్తరాభాద్ర, 27.రేవతి

గమనిక : ఇక్కడ అందించిన సమాచారం, పరిహారాలన్నీ మత విశ్వాసాలపై ఆధారపడి ఉన్నాయి. ఇవి కేవలం ఊహాల ఆధారంగా ఇవ్వబడింది. దీనికి సంబంధించి ఎలాంటి శాస్త్రీయ ఆధారాలు లేవు. ఈ సమాచారాన్ని మీరు పరిగణనలోకి తీసుకునేందుకు సంబంధిత నిపుణులను సంప్రదించి పూర్తి వివరాలను తెలుసుకోగలరు. పై సమాచారాన్ని ‘‘సమయం తెలుగు’’ దృవీకరించడం లేదు.

Read Latest Religion News and Telugu News