యాప్నగరం

60 మంది భార్యలను కిరాతకంగా చంపిన రాక్షసుడు!

చరిత్రలు వినడానికి ఆసక్తికరంగా ఉంటాయి. ముఖ్యంగా రాజులు చేసిన మంచి పనులు, చారిత్రక నిర్మాణాలు తెలుసుకోడానికి కూతహలంగా ఉంటాయి.

TNN 11 Jul 2017, 7:27 pm
చరిత్రలు వినడానికి ఆసక్తికరంగా ఉంటాయి. ముఖ్యంగా రాజులు చేసిన మంచి పనులు, చారిత్రక నిర్మాణాలు తెలుసుకోడానికి కూతహలంగా ఉంటాయి. కొందరు గొప్ప కార్యాలతో చరిత్రలో చిరస్థాయిగా నిలిచిపోతే, మరి కొందరు అమానుష చర్యలతో హీనులుగా మిలిగిపోయారు. మంచితనమే కాదు క్రూరత్వం, హింసాత్మక ప్రవృత్తితో చరిత్ర హీనులుగా నిలిచిపోయిన రాజులు మన భారతదేశంలో చాలా మంది ఉన్నారు. అందులో ఒకడు బీజపూర్ సైన్యాధ్యక్షుడు అఫ్ఝల్ ఖాన్. తన 60మంది భార్యలను కిరాతకంగా హత్యచేసి సాట్ కబర్‌లో సమాధి చేశాడు. ఇది వినడానికి ఆశ్చర్యంగా ఉన్నా వాస్తవం. ఈ ఘటన క్రీ.శ. 1659లో చోటు చేసుకుంది.
Samayam Telugu saat kabar the sixty graves tale of bijapur
60 మంది భార్యలను కిరాతకంగా చంపిన రాక్షసుడు!


క్రీ.శ. 1659 నాటికి లో కర్ణాటకలోని బీజాపూర్ ప్రాంతాన్ని ఆదిల్ సాహీ వంశస్తుల పాలించేవారు. వీరి పాలన ఏక ఛత్రాధిపత్యంగా సాగింది. ఆ కాలంలోనే వీరికి మరాఠా సామ్రాజ్యాన్ని ఛత్రపతి శివాజీ పాలిస్తున్నాడు. ఆయన పేరు పలకడమే కాదు, పేరు వినబడినా ఈ సుల్తానులు వణికిపోయేవారు. దీంతో శివాజీని ఎలాగైనా అంతం చేయాలనే ఉద్దేశంతో సుల్తానులు అత్యంత క్రూరుడైన అఫ్ఝల్ ఖాన్‌ను పంపించారు.

ఆ సమయంలోనే ఈ ఘోరం జరిగింది. అక్కడ చనిపోయింది యుద్ధవీరులు కాదు. ఉ పాపం తెలియని మహిళలు. శివాజీతో యుద్ధానికి, ఈ మహిళ హత్యలకు సంబంధం ఏంటి? అనే విషయాన్ని తెలుసుకుంటే అఫ్జల్‌ఖాన్‌ను చంపడంలో ఎలాంటి తప్పు లేదని అనుకుంటారు. అమాయకులైన భార్యలను క్రూరంగా హత్య చేసిన విషయం తెలిస్తే ఎవరికైనా కన్నీరు ఆగదు. కిరాతకమైన వ్యక్తిగా పేరుపొందిన అఫ్జల్‌‌ఖాన్‌కు జాతకాల పిచ్చి చాలా ఎక్కువ.

ఈ పిచ్చితో శివాజీతో యుద్ధానికి ముందు ఒక జ్యోతిషుడిని సంప్రదించి విజయం ఎవరిని వరిస్తుందని ప్రశ్నించాడు. శివాజీతో పోరాడితే మరణం తప్పదని అఫ్జల్‌ఖాన్‌ను జ్యోతిషుడు హెచ్చరించాడు. ఆయన అలా చెప్పడంతో ఈ యుద్ధంలో తాను మరణిస్తే భార్యలను వేరొకరు పెళ్లిచేసుకుంటారని భావించిన ఆయన అందరినీ ఊరి చివర బావి వద్దకు పిలిపించాడు. అఫ్జల్ ఖాన్ వేసిన పథకం తెలియని అమాయక భార్యలు అక్కడకు చేరుకున్నారు. భార్యలందరూ రాగానే తన సైనికులతో వారిని చంపించాడు. ఆ బావిలో కొంతమంది పడేసి, మరికొంతమందిని సైనికులు హతమార్చారు. వారిలోని ఇద్దరు తప్పించుకు పారిపోతుంటే వెంటాడి మరీ చంపించాడు.

అందరూ చనిపోయారని నిర్దరించుకున్న తర్వాత బావిలోని శవాలను బయటకు తీయించి అదే ప్రదేశంలో 6 వరుసలుగా 60 సమాధులను కట్టించాడు. అంతేకాదు వాటి పక్కనే తనకు కూడా ఒక సమాధిని కట్టించుకున్నాడు. జ్యోతిషుడు చెప్పిన విధంగానే 1659 నవంబర్ 10 న శివాజీ చేతిలో అఫ్ఝల్ ఖాన్ మరణించాడు. ఈ సమాధులున్న ప్రాంతాన్ని సాట్‌కబర్ అనే పేరుతొ పిలుస్తారు. ఈ సమాధులు అఫ్జల్‌ఖాన్ క్రూరత్వానికి నిదర్శనంగా మిగిలిపోయాయి.

తరవాత కథనం

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.
తాజా వార్తల అప్డేట్ల కోసం Samayam Telugu ఫేస్‌బుక్పేజీను లైక్ చెయ్యండి.