Sheetala Saptami 2023 శీతల సప్తమి విశిష్టతలేంటి... ఈరోజున అమ్మవారికి ఎలాంటి నైవేద్యం సమర్పిస్తారంటే...

Sheetala Saptami 2023 తెలుగు క్యాలెండర్ ప్రకారం, ప్రతి ఏటా హోలీ పండుగ ముగిసిన వారం రోజుల తర్వాత అంటే ఫాల్గుణ మాసం క్రిష్ణ పక్షంలో శీతల సప్తమి తిథి వస్తుంది. ఈ పవిత్రమైన శీతల మాతను పూజిస్తారు. ఈ నేపథ్యంలో మార్చి 14వ తేదీన మంగళవారం నాడు శీతల సప్తమి వచ్చింది. ఈ సందర్భంగా ఈ పవిత్రమైన పర్వదినాన ఉపవాసం ఎందుకుండాలి.. ఈరోజున తమ పిల్లల ఆరోగ్యం కోసం తల్లులందరూ ఎలాంటి వ్రతాన్ని ఆచరిస్తారు. ఈ శీతల సప్తమి ప్రాముఖ్యత, విశిష్టతలేంటో ఇప్పుడు తెలుసుకుందాం...

శీతల సప్తమి రోజున దుర్గా దేవిని శీతల మాత రూపంలో అలంకరించి, ప్రత్యేక పూజలు నిర్వహిస్తారు. ఈ పవిత్రమైన రోజున వ్రతాన్ని ఆచరించడం వల్ల మంచి ఆరోగ్యం లభిస్తుందని చాలా మంది నమ్ముతారు. అంతేకాదు తమ పిల్లలను తీవ్రమైన వ్యాధులు రాకుండా కాపాడుతుందని, ప్రతికూల సమస్యలు రాకుండా రక్షిస్తుందని చాలా మంది విశ్వాసం. ఈ పండుగను చాలా చోట్ల బసోడా అని కూడా పిలుస్తారు. శీతల సప్తమి రోజున ఇంట్లో కుడుములు తయారు చేస్తారు. శీతల అష్టమి రోజున ఈ కుడుములు వారి పిల్లలకు తీసివేసి కుక్కలకు తినిపిస్తారు. ఇలా చేయడం వల్ల తమ పిల్లలకు ఎలాంటి రోగాలు రాకుండా ఆరోగ్యంగా ఉంటారని చాలా మంది నమ్మకం.

Ugadi Asthanam 2023 ఈసారి తిరుమల శ్రీవారి ఆలయంలో ఉగాది ఆస్థానం ఎప్పటినుంచంటే...

శుభ ముహుర్తం..
తెలుగు పంచాంగం ప్రకారం, శీతల సప్తమి తిథి మార్చి 13వ తేదీ రాత్రి 9:27 గంటలకు ప్రారంభమవుతుంది. మార్చి 14వ తేదీన రాత్రి 8:22 గంటలకు ముగుస్తుంది. పంచాంగం ప్రకారం, ఉదయం తిథిని పరిగణనలోకి తీసుకుంటారు కాబట్టి మార్చి 14వ తేదీన శీతల సప్తమి వ్రతాన్ని ఆచరిస్తారు.

శీతల మాత ప్రాముఖ్యత..
స్కంద పురాణంలో శీతల మాత రూపం గురించి వివరించబడింది. ఈ అమ్మవారు గాడిదపై స్వారీ చేస్తూ, ఒక చేతిలో కలశం, చీపురు, చిన్న కుండను పట్టుకుని ఉంటుంది. ఈ అమ్మవారికి ఇంట్లో తయారు చేసిన తీపి పదార్థాలను నైవేద్యంగా పెట్టాలి. ఇలా చేయడం వల్ల తమ పిల్లలు ఆరోగ్యంగా ఉంటారని నమ్ముతారు. పిల్లలకు జ్వరం, తట్టు, మశూచి, కంటి వ్యాధుల నుంచి రక్షణ లభిస్తుంది. అంతేకాదు ఈరోజున నిల్వ ఉంచిన ఆహారాన్ని నైవేద్యంగా పెడతారు. మన దక్షిణ భారతంలో శీతల సప్తమి వేళ పోలేరమ్మ, మారెమ్మ ఇంకొందరు గ్రామ దేవతలను పూజిస్తారు.

గమనిక : ఇక్కడ అందించిన సమాచారం, పరిహారాలన్నీ మత విశ్వాసాలపై ఆధారపడి ఉన్నాయి. ఇవి కేవలం ఊహాల ఆధారంగా ఇవ్వబడింది. దీనికి సంబంధించి ఎలాంటి శాస్త్రీయ ఆధారాలు లేవు.

Read Latest Religion News and Telugu News