మహాలక్ష్మీ యోగం..
జ్యోతిష్యశాస్త్రం ప్రకారం, ఈసారి ఆగస్టు 19వ తేదీన కృష్ణాష్టమి రోజున చంద్రుడు వృషభరాశిలో సంచారం చేయనున్నాడు. ఈ సమయంలో చంద్రుడు ఉచ్చ స్థితిలో ఉంటాడు. చంద్రునితో పాటు కుజుడు కూడా ఇదే రాశిలో ఉండటం వల్ల మహాలక్ష్మీ యోగం ఏర్పడుతుంది. ఈ యోగంలో శ్రీ కృష్ణునితో పాటు లక్ష్మీదేవిని పూజించడం వల్ల ధనలక్ష్మీ కటాక్షాన్ని కచ్చితంగా పొందుతారు.
బుధాదిత్య రాజయోగం..
కృష్ణాష్టమి రోజునే సూర్యుడు తన సొంత రాశి అయిన సింహ రాశిచక్రంలోకి సంచారం చేయనున్నాడు. ఈ సమయంలో బుధుడు కూడా ఇదే రాశిలో ఉంటాడు. సూర్యుడితో బుధుడు కలవడం వల్ల ఈసారి జన్మాష్టమి రోజున బుధాదిత్య రాజయోగం ఏర్పడుతుంది. ఈ సమయంలో సింహ రాశితో పాటు ఇతర రాశుల వారికి శుభ ఫలితాలు రానున్నాయి. ఈ యోగం సమయంలో ఉపవాసం ఉండి శ్రీ కృష్ణున్ని ఆరాధించడం వల్ల ఎన్నో సమస్యల నుండి ఉపశమనం పొందొచ్చు.
ధ్రువ యోగం..
కృష్ణాష్టమి రోజునే మహాలక్ష్మీ యోగం, బుదాధిత్య రాజయోగంతో పాటు ధ్రువ యోగం కూడా ఏర్పడనుంది. ఇది స్థిరమైన యోగాగా పరిగణించబడుతుంది. ఈ యోగం సమయంలో ఎలాంటి పెట్టుబడి పెట్టినా రెట్టింపు లాభాలొచ్చే అవకాశాలున్నాయి. అంతేకాదు ఏ పని ప్రారంభించినా కచ్చితంగా విజయం సాధిస్తారు.
లక్ష్మీ నారాయణ ఆరాధన..
కృష్ణాష్టమి రోజున శుక్రుడు కర్కాటక రాశిలో ఉండగా.. చంద్రుడు వృషభరాశిలో ఉంటాడు. ఇలాంటి సమయంలో ద్వాదశ రాశుల వారికి శుభ ఫలితాలు రానున్నాయి. ఈ యోగంలో మీరు ఏదైనా శుభకార్యాలను ప్రారంభించొచ్చు. ఈ శుభ యోగంలో ఏదైనా కొత్త పనిని కూడా ప్రారంభించొచ్చు. మీరు ఏదైనా రంగంలో పెట్టుబడులు పెట్టొచ్చు. అలాగే బంగారం, కొత్త వాహనాలు కొనుగోలు చేసేందుకు సమయం అనుకూలంగా ఉంటుంది. ఈ శుభ యోగం వేళ లక్ష్మీఆరాధన వల్ల శుభ ఫలితాలొస్తాయి.
గమనిక : ఇక్కడ అందించిన సమాచారం, పరిహారాలన్నీ మత విశ్వాసాలపై ఆధారపడి ఉన్నాయి. ఇవి కేవలం ఊహాల ఆధారంగా ఇవ్వబడింది. దీనికి సంబంధించి ఎలాంటి శాస్త్రీయ ఆధారాలు లేవు. ఈ సమాచారాన్ని మీరు పరిగణనలోకి తీసుకునేందుకు సంబంధిత నిపుణులను సంప్రదించి పూర్తి వివరాలను తెలుసుకోగలరు. పై సమాచారాన్ని ‘‘సమయం తెలుగు’’ దృవీకరించడం లేదు.