స్వచ్ఛతకు ప్రతీకగా..
మయూరం(నెమలి) మన జాతీయ పక్షి అన్న విషయం అందరికీ తెలిసిందే. మయూరం అనగానే మనలో చాలా మందికి నెమలి నాట్యం గుర్తొస్తుంది. అది నాట్యం చేసే సమయంలో వర్షం వస్తుందని చాలా మంది నమ్ముతారు. ఈ మయూరానికి సంబంధించిన ప్రస్తావన పురాణ కాలంలోనూ ఉంది. అంతేకాదు నెమలి ఫించానికి చాలా ప్రత్యేకతలున్నాయి. ‘మ’కారం మధనానికి అని అర్థం. ‘యూర’ అంటే హృదయం అని అర్థం. అంతేకాదు ‘మ’ అంటే మగ నెమలి అని కూడా అంటారు. పక్షి జాతుల్లో యోగ విద్య తెలిసిన పక్షులు కేవలం ఐదు మాత్రమే ఉన్నాయి. వాటిలో శుకం, గరుడు, హంస, పావురం, నెమలి. వీటికి షట్ చక్రాల కుండలినీ పరిజ్ఞానం ఉంటుంది.
అందమైన రూపం..
నెమలి ఈకలను అందానికి ప్రతీకగా భావిస్తారు. పురాణాల ప్రకారం క్రౌంచపక్షి దేవతా పక్షి కావడం వల్ల ఎంతటి దాహమేసినా భూమిలోని నీటిని తాగవు. అయితే వర్షాలు పడే సమయంలో స్వచ్ఛమైన తొలకరి చినుకలు భూమి మీద పడకముందే అవి తమ దాహాన్ని తీర్చుకుంటాయి. అంతేకాదు నెమళ్లు తమ పునరుత్పత్తి కోసం కలయికలో పాల్గొనవు. కేవలం తమ కన్నీళ్లతోనే తమ సంతానాన్ని పెంచుకుంటాయి.
కలయికలో పాల్గొనవు..
ఈ సృష్టిలో కలయికలో పాల్గొనని ప్రాణి ఏదైనా ఉందంటే అది ఒక్క నెమలి మాత్రమే. నెమళ్లు తమ వీర్యాన్ని ఊర్ద్వముఖంగా నడిపించే శక్తిని కలిగి ఉంటాయి. అయితే మనిషి స్థాయి కంటే తక్కువగా ఉండటం వల్ల ఈ రేతస్సు(వీర్యం) పల్చని జిగురు రూపంలో కంట్లోని గ్రంధుల నుండి బయటికొస్తాయి. ఇవి ఒక రకమైన మదపు వాసనను చిమ్మడంతో ఆడ నెమళ్లను ఆకర్షిస్తాయి. అందుకే ఆడ, మగాళ్ల జననేంద్రియాల మాదిరిగా కలయికలో పాల్గొనే ప్రసక్తే ఉండదు. అందుకే నెమళ్లను అర్ధస్థలిత బ్రహ్మాచారులుగా భావిస్తారు. అందుకే పరమయోగి అయిన శ్రీ క్రిష్ణుడు తన తలపై నెమలి ఫించాన్ని ధరించడం మొదలు పెట్టాడు.
శ్రీ క్రిష్ణుడు యోగీశ్వరుడు..
పురాణాల ప్రకారం, క్రిష్ణుడు 16 వేల మంది గోపికలతో సరసాలాడినట్లు మనలో చాలా మందికి తెలిసిన సమాచారం. కానీ వాస్తవం ఏంటంటే.. శ్రీ క్రిష్ణుడు వారందరితో రొమాన్స్ చేయలేదు. నెమలి ఫించం పెట్టుకున్న గోపికలు క్రిష్ణుడు తమతో ఉన్నట్టు భావించారు. అయితే గోపికలతో కలిసి చిన్నప్పుడు కన్నయ్య బాగా అల్లరి చేసినట్లు పెద్దలు చెబుతారు. అంతేకాదు వారందరితో పవిత్రమైన స్నేహం, సన్నిహితంగా పదే పదే గుర్తు చేసేందుకే నెమలి ఫించాన్ని ధరించాడట అందుకే నెమలి ఈకలకు పవిత్రత ఏర్పడి, అది మన జాతీయ పక్షిగా మారింది.
అస్థలిత బ్రహ్మాచారి..
యోగులందరిలో కన్నయ్య పరమయోగి. అంతేకాదు తనకు 16 వేల మంది గోపికలున్నా, ఎనిమిది మంది భార్యలున్నారని పేరు ఉన్నప్పటికీ, తను అసలు సిసలైన బ్రహ్మచారి అని చెబుతారు. అందుకే తనను అస్థలిత బ్రహ్మాచారి అని పిలుస్తారు. పెళ్లి చేసుకున్నప్పటికీ శ్రీ క్రిష్ణుడు పూర్తిగా స్వచ్ఛమైన, ఇంద్రియ కోరికలు లేనిగా పరిగణించబడ్డాడు. కన్నయ్యను కొందరు నల్లనయ్య అంటారు. ఎందుకంటే తన రంగు నలుపులో ఉంటుంది. అయితే మరికొందరు తన రంగు నీలం అని చెబుతారు. అయితే ఈ రెండు విషయాలు వాస్తవాలే. ఎందుకంటే తను నెమలి ఫించాన్ని ధరిస్తాడు కాబట్టి. ఈ నెమలి ఈకలు పగలు నలుపు రంగులో, రాత్రి వేళ నీలం రంగులోకి మారుతుంది.
వేణువు వెనుక ఉన్న రహస్యం..
ఓ కథనం ప్రకారం, వేణు మాధవుడు ఓ రోజు వేణువు ఊదాలని నిర్ణయించుకున్నాడు. తన సంగీతం ఎంతో మధురంగా ఉండటంతో నెమళ్లు నాట్యం చేయడం ప్రారంభించాయి. అంతేకాదు అడవిలోని జీవులన్నీ పూర్తిగా మంత్రముగ్ధులైపోయాయి. వేణువు ఒక మధురమైన వాయిద్యం, మన జీవితం కూడా వేణువులా మధురంగా ఉండాలని సందేశం ఇస్తుంది. మనం ఎల్లప్పుడూ సంతోషంగా ఉండాలని, ఆనందాన్ని పంచుకునేందుకు ప్రయత్నించాలని తెలియజేసేందుకే కన్నయ్య ఎల్లప్పుడూ తన చేతిలో వేణువును ఉంచుకునేవాడు.
గమనిక : ఇక్కడ అందించిన సమాచారం, పరిహారాలన్నీ మత విశ్వాసాలపై ఆధారపడి ఉన్నాయి. ఇవి కేవలం ఊహాల ఆధారంగా ఇవ్వబడింది. దీనికి సంబంధించి ఎలాంటి శాస్త్రీయ ఆధారాలు లేవు.