ఈ ఒక్క మంత్రంతో శుభ ఫలితాలెన్నో..
‘‘శ్రీరామ రామ రామేతి రమే రామే మనోరమే
సహస్ర నామ తతుల్యం, రామ రామ వరాననే’’
ఈ ఒక్క శ్రీరాముని శ్లోకం పఠించడం వల్ల శ్రీ మహా విష్ణువు సహస్రనామం పఠించినంత ఫలితం వస్తుందని శివయ్య తన భార్య పార్వతీ దేవితో చెప్పినట్లు పురాణాల్లో వివరించబడింది.
ఈ మంత్రంలో ‘ర’కారము రుద్రుడిని.. ‘అ’కారము బ్రహ్మయ్యను, ‘మ’కారము శ్రీహరిని సూచిస్తుంది. అందుకే ‘రామ’ అనే పదాన్ని బ్రహ్మ, విష్ణు, మహేశ్వర రూపంగా పరిగణిస్తారు.
Sri Rama Navami 2023 ఈసారి శ్రీరామ నవమి ఎప్పుడొచ్చింది... రాములోరి కళ్యాణం శుభ ముహుర్తం, తిథి వివరాలివే...
ఎలాంటి ఫలితాలొస్తాయంటే..
శ్రీరామ నవమి రోజున రాముడికి ప్రత్యేక పూజలు చేసి, శ్రీ సీతారాముల కళ్యాణంలో పాల్గొని, రామ మంత్రాలను జపించడం వల్ల సకల పాపాలు తొలగిపోవడమే కాదు.. అనారోగ్యం నుంచి కూడా ఉపశమనం లభిస్తుందట. అందుకే ఈ పవిత్రమైన ‘రామ’ నామాన్ని కచ్చితంగా జపించండి. పురాణాల ప్రకారం, ఈ నామాన్ని ఉచ్చరించడం వల్ల పుట్టుకతోనే అతి కిరాతకంగా ఉండే బోయ వాల్మీకి మహర్షిగా అవతరించి గొప్ప కావ్యాన్ని రచించే స్థాయికి ఎదిగాడు. తను గొప్ప స్థాయికి ఎదిగేందుకు ‘‘రామ రామ రామ’’ అనే తారక మంత్రం ఎంతగానో తోడ్పడింది.
మంత్రాలను పఠించే ముందు..
‘రామ’ అనే రెండక్షరాలను జపించడం వల్ల మనలో ఏకాగ్రత పెరిగి ఆధ్యాత్మిక రంగంపై ఆసక్తి పెరిగేలా చేస్తుంది. అంతేకాదు ఈ ఒక్క నామంతో దుష్ఫలితాలను పోగొట్టుకోవచ్చు. ఈ మంత్రాలను పఠించడానికి ముందు ఆ భగవంతుని ఫోటో లేదా విగ్రహం ముందు దీపం వెలిగించాలి. ఇలా చేయడం వల్ల శుభ ఫలితాలొస్తాయని పండితులు చెబుతున్నారు.
చిన్నారులతో ఈ శ్లోకాలను..
శ్రీరామ నవమి రోజున రాముని విశిష్టత తెలిపే ఈ శ్లోకాలను కూడా చదివించండి.. వారు రాముని జీవితం ఆదర్శంగా తీసుకునేలా తీర్చిదిద్దండి.
‘‘ఆపదా మపహర్తారం దాతారం సర్వసంపదామ్
లోకాభిరామం శ్రీరామం భూయో భూయో నమామ్యహుమ్
దక్షిణే లక్ష్మణోయస్య వామేచ జనకాత్మజా
పురతో మారుతిర్యస్య తం వందే రఘునందనమ్
కూజంతం రామ రామేతి మధురం మధురాక్షరం
ఆరుహ్య కవితా శాఖాం వందే వాల్మీకి కోకిలమ్’’
ఈ శ్లోకాలను పఠించడం వల్ల శ్రీరాముని అనుగ్రహం తప్పకుండా లభిస్తుందని చాలా మంది నమ్ముతారు.
గమనిక : ఇక్కడ అందించిన సమాచారం, పరిహారాలన్నీ మత విశ్వాసాలపై ఆధారపడి ఉన్నాయి. ఇవి కేవలం ఊహాల ఆధారంగా ఇవ్వబడింది. దీనికి సంబంధించి ఎలాంటి శాస్త్రీయ ఆధారాలు లేవు.
Read Latest Religion News and Telugu News